ISAIAH 61:9 - Sumi Naga CL (Re-edited) Bible (BSI)

⁹ Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

BAIBEL (BSI)

⁹ Panonguye ashiayehqo gholo ajekipi shi nani; Panoqo ithulukemi kumtsuno iwu timiqoye ino kumghatsu kepi ithikha nani.”

ISAIAH 61:9 ပူးပေါင်းရင်းမြစ်များ

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 30:27

Ikemu Laban no pa vilo pi, “Tsala nono I küpüqhiyi ithulu aghi aye, I no saqhisali lono ithivae, ti ye o ghenguno Ampeu no I kümghave tsüae.

LESHELE 115:14

Ampeu pelo nongu kughukotsü peniu, nongu ghi nongu tianuliqo ghi kümghatsü peniu!

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ISAIAH 65:23

Panongu kümla ye adou shivemo nani, momu kütsakungove nike atianuli punu keu shimo nani, kughengu panongu ye Ampeu no kümghatsü kemi kughukomi shi nani, eno panongu lagha ghi akümghami ke.

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

JEREMIYA 31:7

Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

MALAKI 3:12

Tishino shiye kümtsü no angukiviu ipi nongu ku nani, kughengu nongu ye alokiqipu ghüna-a shi nani, aqokitikhi Mpeu no pi.

AKIKIHI 22:12

Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”