ISAIAH 6:1 - Sumi Naga CL (Re-edited) Bible (BSI)

¹ Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

BAIBEL (BSI)

¹ Akukau Uziya kithi mipelo ino AMPEU ithulu. Paye pa kuka lakhulo iqa ake, chuqumghai eno xaqhepukupe ake eno pawu hekuuphino Achineki kuchopu chhitoive.

ISAIAH 6:1 ပူးပေါင်းရင်းမြစ်များ

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

KUKAMI AKINIU 15:7

Tishino Azariah ye pa puasüqo gholo zühuve eno panongu no David phughi lo pa sükumo shiqhove, pa nu Jotham no pa thisü luve.

YEKIKITHI AKINIU 18:18

Micaiah no pi, “Tighenguno Ampeu tsa inilo: Ampeu no Pa kükalakhü lo iqa, eno Paw kungumi no Pa u piyiu ngo ajeu puthugho akeu I no ithulue.

JOB 42:5

I kini lo likhino I no chilu kemu itehi ye I nhethi no No ithuluvae;

LESHELE 108:5

O Alhou, kungugha shou akughushu shilo! Ayeghiqha kümtsü shou O juküvü alupe lo!

LESHELE 113:5

Ampeu ni Lhou khuu kungugha lo ani keno Pa toike khuu ani kea?

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

IPEKULU 24:9

Tishino Moses ngo Aaron, Nadab, eno Abihu ngo Israel lo layemi lhotsüni no ahuu iqhove,

ISAIAH 1:1

Judah lo kükami Uzziah, Jotham, Ahaz, eno Hezekiah ghuloki lo Amoz nu Isaiah no kungunhetsü khikhi Judah ngo Jerusalem ghenguno ithulu keno tihuke.

ISAIAH 12:4

eno tipa tsala lo ishi pi nani: “Ampeu shikimthi tsülo, Pa je kulo, ashiayeqo vilo Pa kümla lhepiyelo, Pa ye sheqheküzü kepi shuphelo.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

EZEKEL 1:1

Atsala apunguu, aqhi abidiu, ampe chighiaküthüu lo, ni ye Khebar züla lo haphe sawuve kemi gholo ae, tile kungugha kokiyeve eno I no Alhouw kungunhetsü ithulu.

EZEKEL 10:1

Tithiu I no jukelo cherubim kütsüqa shou aliho akeu lo thime lakhi sapphire toikeu ipeghi, kükalakhü lakhi jukimihi shi ipeghi.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.

DANIEL 10:17

I mpeu qeu ye kishi I mpeu pütsani kea? Kughengu itehi I lolo aküka kühavae, eno I lolo atuthu kühavae.”

DANIEL 7:9

“I no ju akeloye, kükalakhüqo kutope qhi, eno alholo lo achekeu no Pa lakhü ikhiluve; Pa phimini ye mürasü toi metsüghoi, eno Pa kütsü lo asa ye amhiyeho akiviu toi; Pa kükalakhü ye ami mili iqü aketoi; tipau kuluho no amiküqü ke.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

Piyeküsü 15:8

ikelo Alhou Nguagha eno Pa Küka jekipi launo ighikeu michhi no achineki phochighive eno kungumi tsüni u lo püsa tsüni akeu kümtsü kishekha moke kutolo milakhi mu akimthe chineki lo ilolu move.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 4:2

Paikhavi Aghungu no I peitha luve, eno julo, kungugha lo kükalakhü aghi eno timi lakhino tile iqa aghi.

Piyeküsü 4:3

Khuu no tile iqa akeno Pa gi ye amekusho tu jasper eno carnelian toi, eno kükalakhü vehomxa pe akeu milisü huno emerald jukimihi shiae.

Piyeküsü 4:9

Kugho kughomu aküxüküa lhoxüqo no ajuküvü, agigihu eno shikimthi keu pesü Khuu kükalakhü lo iqa no pülhapuju eno alholo xüacheni keno, Pa tsü kelo,

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.

Piyeküsü 5:7

Ambeti no Khuu kükalakhü lo iqa akeno, Pa u ajeu liküküzü kaku akeu ikhiluve.

Piyeküsü 6:16

ngono naghuto eno atuqo pütsa, “Ni shou ilu ikughi lo eno Khuu no kükalakhü lo iqa ani keno Pa zülono eno Ambeti loghu launo ni küghütshüve lo,