ISAIAH 56:8 - Sumi Naga CL (Re-edited) Bible (BSI)

⁸ Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

BAIBEL (BSI)

⁸ Aqokitikhi MPEU no Israilmi hapiyepighive keu lono akilo saghikeu Lhou no itaghi timi kutami saghino panoqo gholo xukimepe nikeu piqhipe puani.

ISAIAH 56:8 ပူးပေါင်းရင်းမြစ်များ

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 106:47

Ni xalulo, O Ampeu ni Lhou, eno shiyeqo dolono ningu hekütsü tsülo, tishiaye ningu ye O kimthe je lono shikimthi keu tsülu nani eno O sheqhe keu lono ajuküvü shilu nani.

LESHELE 147:2

Ampeu no Jerusalem shiqhe cheni; Pa no Israelmi hapheve kemi hekütsü cheni;

ISAIAH 43:6

I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 49:22

Ampeu Alhou no ishi piani: “Julo, I no shiyeqo shou I u pesü kiche nani, eno panongu lau amchipu süqhe nani; panongu no nongu nuli au lono khapesü ighi nani, eno nongaqo abighi lono xapusü ighi nani.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 54:7

Atüqhüdo hami I no o qhiveke; ikemu shishe kimiyekini lono I no o sachilelu nani.

JEREMIYA 30:17

I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 31:10

“Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

EZEKEL 34:12

Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

HOSIYA 1:11

Eno Judah ngo Israel nuliqo ye kümtsa hekütsü nani, panongu no pano ghenguno akütsü lakhi süküsü shi nani. Eno panongu no hipau yeghi lono iqhove nani kughengu Jezreel tsala ye kije shi nani.

MICAH 4:6

Tipa tsalani, Ampeu no sheshu, I no ala chemlave kemi hekütsü nani, I no khunoqo hapupove eno ghimeve keno kukumqo nani;

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

John 7:35

Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.