ISAIAH 54:14 - Sumi Naga CL (Re-edited) Bible (BSI)

¹⁴ Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

BAIBEL (BSI)

¹⁴ Kuchou xakutha ngo achipiu pesu nongu mutotoi shitsu nani. Shikumsakeu, qodaqhikeu lono nongu xaluve nani.

ISAIAH 54:14 ပူးပေါင်းရင်းမြစ်များ

AHOLE 3:24

Nono akulhoqhi anamu msamo, eno zü akelo aloinoqhiyi nani.

ISAIAH 1:26

Azüu toi I no now xaküthami tsüchileni, eno abothu lo toi now mijekütsümi tsüni. Tithiu no nongu pesü amikucho, pükhükulupu phughi ipi kutsüni.”

ISAIAH 1:27

Achipiu xakütha pesü Zion xachilelu nani, eno tilehi khunono xaideni keno amikucho pesü xalu nani.

ISAIAH 14:4

tileno nongu no Babylon kükau cheqhi nani: “Qhaküsüu ye kishi ikiqive akelae, ayiküsau huye kishekhavae!

ISAIAH 16:4

Moab lono hapheve kemi pelo no gholo ado hami ngolu pelo; kütsakungo kemi launo süsho lo. Kughou nedaqoda kemi kühave no kütsakungo keu taveni, eno munudaqhi kemi hauveni keno,

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

ISAIAH 26:2

Amikucho shiye, O pülü kemi no ilo penike khagho khaqhilo.

ISAIAH 32:17

Achipiu mikucho huno aloino keu, iqüghai keu eno alholo pükhükibe mlaphetsü nani.

ISAIAH 33:18

Nongu shithüghüive chekeu nongu no kümsüchilelu nani: “Sükusho süqha kihi eno huju chekeu eno aqoghe kikihiu ye khile ani akea?”

ISAIAH 45:24

“I ghili ishi pinani, I lau likhi no achipiu-mikucho eno aküka ani; khunono I mjo cheni keno, tipaqo ye ighi no kujove nani.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

ISAIAH 9:4

Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 30:20

Pano tianuli ye khaghi lo acheke toi nani, eno pano qoaho ye I zülo mtotoi kithe nani, pano qhasü keqo I no ghime nani.

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

HOSIYA 10:12

Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

ZEKHARIA 9:8

Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

2 Peter 3:13

Ikemu Paw pikiqhitsa kiqi lono ningu ye kungugha kithe eno ayeghi kithe khile achipiu mikucho ani keno ti khe anie.