ISAIAH 5:4 - Sumi Naga CL (Re-edited) Bible (BSI)

⁴ I tsailu ghenguno shikulupu hinguno alau I no shimove keu kiu ani kea? Kushiye I no atsaithi kivi huqhe akelaye akiqhiu xolu kepu shive kea?

BAIBEL (BSI)

⁴ Niye atsayilu ghenguno kiuala mlakepushi akeu mlamove akesha? Tishiaye ino atsayithi kivi laju akelauye kushiye qhimboikeu tsayithi pithi kya?”

ISAIAH 5:4 ပူးပေါင်းရင်းမြစ်များ

IPEKULU 37:22

Akhuni, aloka eno akulu kibepu ye ameshoyi leqhi lakhi lono mla.

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

JEREMIYA 2:21

Tishimu akighiche tsaibo, qhoi tsüghükhüi keu piti toi I no o shosü ke. Imaye kishino no ye tsüuve no aghalo tsaibo shive kea?

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

JEREMIYA 24:2

Ashoghi lakhi loye xo tüghüu mubuthi toi, ighono akivi, ashoghi akiniu loye ighono alhoksa mubuthi, alomo mithe kehu chukulupu shimoe.

JEREMIYA 7:25

No puasüqo no Egypt yeghi lono ipeghike tsala lono ishi kutolo tamo mithe I no tsalakipe I qemi tungkupmi puwue.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

EZEKEL 24:13

Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!