ISAIAH 5:26 - Sumi Naga CL (Re-edited) Bible (BSI)

²⁶ Pa no aghacheu shiyeqo lau amchipu pesü kihi kunani, eno ayeghi shekhau no miji panoqo ku kelo julo, panoqo no paikhavi no ighive nani!

BAIBEL (BSI)

²⁶ AMPEU no ashiayeh putou akeu lakhi lau ku-kutughu keu michi tsu nani. Pano ayeghi shekha lono ighipe nike miji ku nani, eno panoqono paikhavino ighive nani!

ISAIAH 5:26 ပူးပေါင်းရင်းမြစ်များ

LESHELE 60:4

O sümsa chekeqo ghenguno Nono michiphi süqhe, tishianguno pano pelo shexilika zülono polu peniye ke.

LESHELE 72:8

Pa kükaqha ye azüghi lono azüghi kutolo apelo, eno Aghoki lono ayeghi shekha kutolo apelo!

ISAIAH 10:3

Putou no küsakusho, aghime tsala ighi kelo nongu ye kishiveni kea? Khuno lau akukuphu phuwuni, eno no küakini khile qhiveni kea?

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 13:2

Agha itsümoke toghi lono amchipu peqhepe ighamku ghüshimi kulo; aqheküzami phughi khagho lo ilo penike au kihipe panoqo tsülo.

ISAIAH 13:3

Ni ampi no Iw kishekiphemi azah tsüvae, eno I loghu pepheni ke I ghütomi, I juaje shikütsümi ku kumqovae.

ISAIAH 13:4

Aqokitikhi ghügha toi naghuto lo mbumghu ani! Shiye kükaqhaqo no kumqope iqhaighu akeu ghüghae! Aqokitikhi MPEU no aghükishi ghenguno ghüshimi hekütsü ani.

ISAIAH 13:5

Ampeu eno Pa loghu ghünanu ye ayeghi qhoi kütsapinyive tsünike tsütsü-yeghi bouno cheni.

ISAIAH 18:3

Nongu ayeghiqha lo xüküamiqo, kughou naghuto lo amchipu süqheni keno, jukuto lo! Afuko küigha kelo chiluve lo!

ISAIAH 30:16

no pie, “Moe! Ningu ye khurshi lono poveni”, “Khurshi kümthü sasü poveni”, ikehu nongu no ponani ikemu nongu hani kemiu no akümthüu shinani.

ISAIAH 31:9

Pano sükushou ngo kijemi no msa kelauno amchipu qhive no atuthu küha kuhave nani,” ipi Ampeu, khuu miküqü no Zion lo acheni keno, Jerusalem lo küau no shuphe ani.

ISAIAH 39:3

Tileno tungkupu Isaiah no pa lau ighi no pi, “Timi hipaqo ye khilano ighi eno kiu sütsa peighi kea?” Hezekiah no khochile, “Panongu ye aghache ghakhu Babylon lono I lau ighie.”

ISAIAH 7:18

Tipani Ampeu no Egypt ghokiqo shekhau amthu toi ghüshimi akeqo eno Assyria yeghi lo akhi toi ghüshimi akeqo kütüghü ghi miji ku nani.

JEREMIYA 4:13

Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

JEREMIYA 5:15

Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

JEREMIYA 51:27

“Ayeghi lo michiphi süqhelo; shiyeqo dolo afuko küighalo; Babylon lenike shiyeqo kutolo; Ararat, Minni, eno Ashkenaz kükaqhaqo kukütsü lo; sakipheu kishelo eno tülhaqu loji toi khurshiqo saghi lo.

AKUMLO 4:19

Ni hache kemi ye atsütsü lo alhuquqo nguno akümthüu; panongu no naghuto lo ni haighi; asayeqha lo itshüpe ni ngokhe.

EZEKEL 38:17

“Ampeu Alhou no ishi piani: No ye khuu I no khaghi I qemi Israel lo tungkupmi vecheo pipüa keno tihuke kumo? Tipa ghuloki lo panongu no I no o sawo Israel lepe nani kepi ampe kutomo tungkuptsa piche.

JOYIL 2:7

Panongu no aghütomi toi leighi; ghüshimi toi aliwo mili ikue. Panongu ye pütüta lalo chewu; eno hula-hila kugho wuve moe.

HABAKUK 1:8

Panow khurshiqo ye angshuu amikhiu nguno akümthüu, avela tineqo nguno ayiküsau; panow khurshimi no kushuo lono kokoshi ighi; panongu no tsüqhini ke alhuqu toi yesü ighi.

ZEKHARIA 10:8

“I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.