ISAIAH 49:19 - Sumi Naga CL (Re-edited) Bible (BSI)

¹⁹ “Mtsüqheino no ye ixapinyi eno küghüvae eno o ghakhu ye kütsalevae. Ikemu itehi tile küghünani kemi ye ngozüla nani, eno nongu kütsakungo keqo ye putosüu wuve nani.

BAIBEL (BSI)

¹⁹ “Noghakhuye xalepinyive eno kughukughaiveke, ikemu itehiye tilehi kughunaniye chekemiqo ghenguno ngozula nani. Khunoqono nongu xalepinyive tsu keno tipaqoye nongu launo putosulo ikhikiqeve nani.

ISAIAH 49:19 ပူးပေါင်းရင်းမြစ်များ

LESHELE 124:3

kughou panongu no pano loghu ni shou küiqü puku keno ningu ye aküxü no munoqhive aghini cheke,

AHOLE 1:12

Kithigha toi ningu aküxü no panoqo munoveni, eno aqolo ikiqi ilove kemi toi akupuju no munoveni;

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

ISAIAH 49:17

Nongu shiqhe akemi no mighimghai cheni, eno nongu kütsakungo kemi no nongu launo chevae.

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

JEREMIYA 30:16

Ikehu o kütsave kemi kümtsü kütsave nani, eno o ghümi kümtsü akughu lo wuve nani; khunono o pükaqhi keno pano pükaqhi nani, o tsüchu kemi I no tsüchuve nani.

JEREMIYA 51:33

Kughengu aqokitikhi MPEU, Israel Lhou no ishi piani: Babylon limi qodaqhi kelo li ye aniqa toive; ikemu ado kitila aghi no li shou ghile hukepu do ighive nani.”

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

EZEKEL 36:3

tighenguno tungkuptsa pilo, Ampeu Alhou no ishi piani: Kughengu mtsüqheino panongu no nongu pesü kütsaleve eno ako kümtsü lono nongu chisheqhi kehu nongu ye shiye kütami no lepuwuve, timi tsa kipipu eno kixikila shi xishi-jeku keu shive kehu,

ZEKHARIA 10:10

I no Egypt yeghi lono panoqo sasü aki lo ighi nani, Assyria lono panoqo hekütsü no Gilead ngo Lebanon yeghi lo a-a kühave moke kutolo panongu sawo qhinani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 2:4

eno pa vilo pi, “Powu no lhothemi hupau vilo pilo, ‘Jerusalem ye aliwo küha keu phuqo toi küghüna nani, kughengu timi ngo pichepighi no shishe ikowoni cheni.

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae: