ISAIAH 49:16 - Sumi Naga CL (Re-edited) Bible (BSI)

¹⁶ Julo, I no nongu je I u mza lo yepe qhivae; nongu liwo ye I zülo acheni.

BAIBEL (BSI)

¹⁶ Jerusalem, niye khilemu nongu qhimoke! niye nongu je i-u bokhulo yepe qhipuanike.

ISAIAH 49:16 ပူးပေါင်းရင်းမြစ်များ

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

ALE KIMCHI 8:6

I küghape o mlo eno o u lo amchipu shivelo, kughengu kikimiye ye akithi toi akumto, anhekushu ye akumokilive toi ayiküsae. Tipau mi ye Ampeu mi toi shishe müghake.

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 54:12

O ki kütsüqa ye ruby tu pesü shitsü nani, ow khagho ye carbuncle pesü shitsü nani, eno o liwo ye kümtsü akughupu tu pesü mlatsü nani.

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

ISAIAH 62:7

Pa no Jerusalem shiqhe kithe moke kutolo, eno ayeghi lo tino shekiqhepu shimoke kutolo, pa pelo akulhoqhipe kevilo.

JEREMIYA 17:1

“Judah xine ye ayi yesüta pesü yepüani, mlaputu mtsüsüi keu pesü panongu mlo tulupha eno pano kiptia kibo lo kixipuku püani,

JEREMIYA 22:24

“I no xüake toi, Ampeu no asheshu, Jehoiakim nu, Judah kükau Coniah no I u ajeu jedapu anguthi shiaghi namu, I no no ikhive nani,

HAGAYI 2:23

Tipani, aqokitikhi Mpeu no asheshu, I no no ikhilu nani, O Shealtiel nu I qeu Zerubbabel, eno o pesü jedapu nguthi toi shitsü nani, kughengu I no o kisheluvae, aqokitikhi Mpeu no asheshu.”