ISAIAH 48:18 - Sumi Naga CL (Re-edited) Bible (BSI)

¹⁸ Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

BAIBEL (BSI)

¹⁸ “Nonguye ino ahza tsukeu chiluke aye nongu ghenguno kukumghano aghoki khilemu qopuhamla keshi qoighini cheke! Azu fukukuchono azu mukulo kuzu susu ighikeshi tokulupu nongu lau ighini cheke.

ISAIAH 48:18 ပူးပေါင်းရင်းမြစ်များ

LESHELE 119:165

Khunono O yezah kimiye cheni keno aloino keu kije ani; kiu nomu pano pukhu küpxa lumo nani.

LESHELE 36:8

O kilo kupukuno shi akeu lo panongu no aghulhu shi, eno Nono O lokiqipu ghoki lono shophe no panoqo piyeke.

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

ISAIAH 42:24

Khuu no küpükami u lo Jacob süve kea? eno Israel pesü xülepuwu kemi u lo süve kea? Ti ye Ampeu khuu shou nino axine shive keno, Pa no ke kumo? Pa laghi lo panongu no wumove, eno ningu no Pa yezahqo gholumove ke.

ISAIAH 45:8

“O atsütsü, tsüghuqhilo, khüngküsü pelo achipiu-mikucho ghuqhi pelo; ayeghi pelo xakulu ngo achipiu-mikucho lhophe pelo; ayeghi pelo hi küma lhoipeghi pelo; Ni Ampeu no lhophe ke.”

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:11

Ayeghi no apiti lhophetsü ketoi, eno aghutu no athi yisü püakeu lhophetsü ketoi, Ampeu Alhou no achipiu-mikucho ngo shekiqhe pesü ashiaye kümtsü zülo mini ipeghilu pe nani.

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

HOSIYA 10:12

Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

AMUS 5:24

Ikemu kuchou-xakütha no azüghizü toi qowu pelo, eno achipiu-mikucho no qotamo keu ghoki toi pelo.

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

ZAKINIU 32:29

Panongu no alokütsü aghike aye hi vethaluni cheke; panongu ye ashekha vehu kimchi luni cheke!

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!