ISAIAH 45:7 - Sumi Naga CL (Re-edited) Bible (BSI)

⁷ I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

BAIBEL (BSI)

⁷ Ino akuvu ngo akuzu kuma lhophe tsuke; Ino kukumgha ngo kutsakungo keu kinikujo sughi cheni. Ni, AMPEU no hipaqo kumtsu shichenike.

ISAIAH 45:7 ပူးပေါင်းရင်းမြစ်များ

KUKAMI AKINIU 19:25

“I no khaghi no kughuve pi no ye chimla aphi keshea? I no khaghi no kughuchhove keu ishi no shikupu ani, o pelo aliwo kumto phughiqo hepho pinyive peniye shike.

JOB 10:13

Ikeghi Nono thime hipaqo pesü O mlo lo küsüve kehu hi no O kimji shi akenapi I no ithivae.

JOB 2:10

Ikemu pa no li vilo pi, “No ye mbomzümi totimi tsapi toi pi ani. Ningu ye Alhou launo akivi likhi luno alhoksa ye lumoveni keshea?” Hi kümtsü lo Job ye pa kichi lono axine tsa pimoe.

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

LESHELE 105:28

Pa no aküzü puwu, eno ayeghi pesü zümoive tsü; panongu no Pa tsa gholu moe.

LESHELE 29:11

Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!

LESHELE 74:16

Tsüküvü tsüküzü tsala ghi Ow; Nono atsütsü lo aküvü eno khetsünhe ghope qhike.

LESHELE 75:7

ikemu Alhou no küghakütha süghi cheni lakhiu sünhe qhive eno lakhiu süqheve cheni.

LESHELE 8:3

Kughou I no O tsütsü lo O u lo kümla, aqhi eno ayepu, Nono ghope qhikeqo juni keno,

IPEKULU 14:20

Egyptmi aqokitikhi ngo Israelmi aqokitikhi dolo ngove. Eno tilehi khüngküsü no halau ye aküzü süghitsü eno halau no aküvü süghi tsü kehu putho kupuju khunomu khuu phivilo ighilu move.

ISAIAH 31:2

Tishimu Pau no alokütsüu kehu küsakusho süghive cheni; Pa ye Pa tsa süchile chemo eno küsaküghami ngo pano kuphu chekemi mjochile ithughi cheni.

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 47:11

Ikemu alhoksa no o shou ikughi nani, no ye kishino tipau khonhaveni keno mtha nani; küsakusho no o shou ikughi nani, no ye tipau lochile mla nani; eno nono khilemu ithimo keu amhekiqi no paikhavi o shou ikughi nani.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 31:35

Ampeu no ishi piani, khuu no puchou khetsünhe küvü tsü eno aqhi ngo ayepuqo ghope putho lo aküvü tsücheni, khuu no azüghi zü xukutho no ighape cheni keno, Pa je ye aqokitikhi MPEU ke.

JEREMIYA 51:20

“No ye I yihesü eno I ghünanu, o pesü I no shiyeqo hepho cheni; kükaqhaqo kütsakungo cheni;

AKUMLO 3:38

Akivi aküsa ye Shishe Akiqheu kichi lono ighi chenike kumo?

EZEKEL 32:8

O shou atsütsü lo vüqai keu küvü kümtsü zümoive tsüno o yeghi lo aküzü süvetsü nani, ipi Ampeu Alhou no asheshu.

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

AMUS 4:13

Kughengu julo, naghuto ngo amülhü lhophe keu, Pa kükümsü timi lau lheqhi keu, inaqhe pesü aküzü kughulhove, eno ayeghi kuchuqu lono chewu chekeu, Pa je ye Ampeu, aqokitikhi Lhou ke!

AMUS 5:6

Ampeu phu no aküxüpu shilo, tikumo aye Pa no ami toi Joseph lagha piti ighive, eno khumu Bethel ghapinhe mlano qhoi pitive nosae,

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

Apostolmi 4:28

Nono azünatha kughu püakeu panongu no shike.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

Jude 1:13

azüghi zü fukukucho no pano kukujopu fukighide aketoi; itsükiche yepuqo toi, pano ghenguno aküzü kutho lo alhokupuju ghenguno a-a kutope qhipüani.

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.