ISAIAH 45:19 - Sumi Naga CL (Re-edited) Bible (BSI)

¹⁹ Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

BAIBEL (BSI)

¹⁹ Niye tuqhouno pipuamoke momu ipulouye kusupesu qhipuamoe. Niye Israilmi vilo munamghai keu alo iphujulopi pi puamoe. Niye AMPEU ke eno niye kuchou tsa picheni; kiuno achipi keno ino ithipe acheni.”

ISAIAH 45:19 ပူးပေါင်းရင်းမြစ်များ

YEKIKITHI ATUGHIU 28:8

Tighenguno itehi Israelmi, Alhouw timi Ampeu zülo kumqope akeqo, Ampeu nongu Lhou zakütsü kümtsü papelu kepushi phulo, tishianguno nongu no alhokupuju ghenguno ayeghi kivi hipau pükhape athiu no tianuliqo lau amheghi shi qhitsülu nani.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

LESHELE 12:6

Ayikiyiqibo lono ghükayi ghukimtheve ketoi Ampeu tsa ye tsüghükhüi, ghükayi ghuthu tsüni ghukimtheve ketoie.

LESHELE 24:6

Titoi kemi tiqhelimi no Pa phuighi cheni eno Jacob Lhou gi phuighi cheni.

LESHELE 69:13

Ikemu ni ye O lau I kighini peighi ani, O Ampeu. O Alhou, ikhikulupu dokivi lono Ow iqemokeu kikimiye eno thebei xakulupu akeu lono I khochile tsülo.

LESHELE 69:32

Kughou aqhokighemi no ti ithuluni keno alovi nani; khuu no Alhou phucheni keno nongu mlo püxü kithelo.

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

AHOLE 1:21

mbumghu akeu laghila lo li no ighamku ani; aphughi khagho kulaghi lono li no asheshu ani:

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 30:5

Alhou tsa ye kümtsü achipi kepi phuphelu cheni; Pa sükusho phuighi kemi kümtsü lau Pa ye azüto lakhike.

AHOLE 8:6

Inilo, kughengu ni ye ajilo kiyighi tsa pini cheni, eno kiu no achipi keno I kichi lono pini cheni,

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 43:12

Nongu gholo kütau lhou lakhimu küha aphi lono, I no shuphe, xalu eno pikülha, nongu no Iw thopimi ke,” ipi Ampeu no sheshu ani, eno “Ni ye Alhou ke.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:23

Ni ampi no tushoqhivae; I kichi lono achipiu-mikucho shilo pivae atsa tipau ye ideighi monani: ‘Timi kümtsü no I zülo qhoqhünhe nani, eno amili kümtsü no I laumi shinike piqhi nani.’

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 48:16

I kupunu ighilo eno hi inilo: abothu lonomu Ni ye tuqhou lono pi püamoe, atsa tipau no I lau ighike ghuloki lono Ni ye tile ake.” Itehi ye Ampeu Alhou no ni eno Pa Ghungu puwu ani.

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

ISAIAH 65:9

I no Jacob kughukomi saghi nani, eno Judah lagha lo naghutoqo lo ampemiqo saighi nani, I no kishelu keqo no ti qhasü luve nani, eno I qemiqo no tile küghüna nani.

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

AMUS 5:4

Kughengu Ampeu no Israelmi vilo ishi piani: “I phulo eno aküxüpu shilulo;

John 18:20

Jisü no khochile, “Ni ye ayeghiqha zülono piche. Ni ye sinagog ngo achineki khile Jewmi kümtsü no kumqo cheni keno, tile kütsüche; ni ye küsüuno kiumu pi püamoe.

John 7:26

Pa julo, aqha zülono atsa pi akeghi panongu ye kiumu pa vilo piamoe! Khileala sakiphemiqo ye pa ye Khristo kepi kuchou no ithive akeo lae?

John 7:28

Ikehu Jisü no achineki lo shika akelono asheshu, “Nongu ye ni ithi ani eno I no khilano ighi keno ithi ani. Ikemu ni ye I gho-apulou lono ighi anike kumoe. Khuu no I puwu keno Pa ye kuchou eno nongu ye Pa mthae.

ZAKINIU 29:29

“Tuqhou thimeqo ye Ampeu ni Lhouw ke, ikemu thime pephe piyeve keqo no alhokupuju ningu eno ni tianuliqo salae, tishianguno ningu pelo Ayezah hipau lo akeu thokha shipeniye ke.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

James 4:3

Nongu no khu cheni kemu ithulu chemoe, kughengu nongu no akumou lono nonguw minemighei keu ghapiqi niye khu kehue.