ISAIAH 45:18 - Sumi Naga CL (Re-edited) Bible (BSI)

¹⁸ Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

BAIBEL (BSI)

¹⁸ AMPEU no kungughaqo lhopheke, Alhou ipichekeu huye pake! Pano ayeghi kughu eno lhopheke, pano hipau mutotoi shike eno pepushu niyeke. Paye hipau pesu munamghai lhoke kumoe, ikemu timi pelo kughunache peniyeke. Hipau pikeu huye panoke, “Ino AMPEU ke, alhou kutau kuhake.

ISAIAH 45:18 ပူးပေါင်းရင်းမြစ်များ

BOTHUBO 1:1

Abothu lono Alhou no atsütsü ngo ayeghi lhoe.

BOTHUBO 1:2

Ayeghi ye kogheküghü küha no kümsa shi aküzü no akuthoku küzüphope ae. Eno Alhou Ghungu no azü shou khonhape ae.

BOTHUBO 1:26

Tithiu Alhou no pi, “Ningu julho eno ningu kimihi lono timi mlani nolo. Eno panoqo pelo azüghi lo akha shou, atsütsü lo aghau shou, eno ayeghi lo pichepighi ngo itikiche lhoxü kümtsü shou qhasülu penie.”

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BOTHUBO 9:1

Alhou no Noah eno pa nuli kümghatsü no panoqo vilo pi, “Athi pithilu, kughukolu, eno ayeghi shepichhilu lo.”

LESHELE 115:16

Kungugha ye Ampeuw kungugha ke, ikemu ayeghi ye Pa no timi nuliqo tsüvae.

AHOLE 30:4

Khuu no atsütsü lo iku no iqighi kea? Khuu no pa u lono amülhü küghaluve akea? Khuu no aphimini lono azüghizü ghokütsülu kea? Khuu no tsütsü yeghibo lughi sho püani kea? Pa je ye khuu, eno Pa nu je no khuu kea? No ye ithi ani pütsae!

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

ISAIAH 48:13

I u no ayeghi boqha qhae, eno I u ajeu no atsütsü sükhope qhike; kughou I no tipaqo kuni keno, tipaqo no kümtsa puthughope ngoluve cheni.

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

JEREMIYA 51:15

“Ampeu no Pa küka lono ayeghi lhoe, Pa lokütsü lono ayeghiqha lhoqhie, eno Paw vethakulu lono kungugha xachhope qhike.