ISAIAH 43:28 - Sumi Naga CL (Re-edited) Bible (BSI)

²⁸ Tighenguno I no akimthe-a lo sakiphemi shipütha nani, Jacob shou kütsakungo pinyikeu süghi nani, eno Israel shou küthakügha süghi nani.

BAIBEL (BSI)

²⁸ Nowu ayehpemino ikungo-a kitiqevetsuke. Ikehu ino kutsakungokeu Israil shou sughike; iwu timiqoye ino thaighavepeke.”

ISAIAH 43:28 ပူးပေါင်းရင်းမြစ်များ

SAMUEL AKINIU 1:21

“Nongu Gilboa naghutoqo, atsüzü momu tsütsüghu nongu shou qipuku pemoniu, aluzaqo pelo akümllagho thi peipeghi pemoniu! Kughengu Saul züto ye thazü no nukepu shimovae, akughushuu züto ye tileno küthakügha shive ake.

YEKIKITHI ATUGHIU 24:5

Alagha kinikujo lo achinemi hiyampemi akehu akümlapu ghi aphiphishi kije nike asaqhive.

YEKIKITHI AKINIU 36:17

Tighenguno Ampeu no Chaldeami kükau pelo panoqo levepe eno panow apumiqo akimthea lono ghiqhive tsü, apumi na ilimi na kiteküsümi namu, khumu küpümoe. Ampeu no kümtsü pa u lo süvetsü.

LESHELE 79:4

Ningu ye ni cheaxümi zülo atichepu shivae, ni sümxape akeqo no junu eno pipütha anie.

LESHELE 89:39

No ye O qeu sasü puloshoqhi shikeu phevae; Nono pa küka kütsüqho ayeghimkhu lono kitiqeve tsüae.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

ISAIAH 34:5

Atsütsü lono I zütakikihi kutope I no kütsani ye akemi Edommi shou küghathani ke iqi cheni.

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 52:27

Eno Babylon kükau no Hamath yeghi lo Riblah lono panongu heqhi pithive. Hitoi Judah ye pano yeghi lono haphe sawuve.

AKUMLO 2:2

Ampeu no küpükini kühano Jacob kungoa kümtsü kütsavae; Pa no Judah sükusho-aqo Pa loghu lono kubove tsüae; kükaqha eno tile yepemi Pa no akukujopu shi ayeghi lo sünhe saiqighivae.

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

DANIEL 9:14

Tighenguno Ampeu no amhekiqi kutope qhive no ningu shou puwu ke, kughengu Ampeu ni Lhou ye Pa no mlakeu kümtsü lo amikuchoe, ikemu ningu no Pa tsa gholu moveke.

ZEKHARIA 5:3

Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.