ISAIAH 42:4 - Sumi Naga CL (Re-edited) Bible (BSI)

⁴ Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

BAIBEL (BSI)

⁴ Paye laju achekeu momu amlo kulo ghipu puhavekeu shimo nani; Pano ayeghilo achipi xakutha muto toi shilutsu nani. Putosuu akeqo yeghino pa kukutsu khekulhoshi khe nani.”

ISAIAH 42:4 ပူးပေါင်းရင်းမြစ်များ

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

ISAIAH 40:22

Ayeghi bocho shou achekeu noke, ayeghi lo küami ye tülhaqu toie; Pa no nhaqhiphi toi atsütsü xachho eno aphiki toi tshüpe qhi cheni;

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

ISAIAH 41:5

Azüghi mkülo küami no ithuluve no msa ani; ayeghi shekhau akemi no khokhoshi ani; panongu ye kumqope ighivae.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 42:12

Panongu pelo Ampeu lau ajuküvü tsü pelo; eno azüghimkü yeghi lo Ampeu sheqhelo.

ISAIAH 42:21

Ampeu no Pa chipiu mikucho ghenguno amlo kiqishi Pa yezah süqhe eno ajuküvüpu shike.

ISAIAH 49:1

O azüghimkü yeghi, I tsa inilo, nongu putoumiqo, I tsa inilo. Ampeu no aza tita lono I kulue, I za po lono Pa no I je kutsüe.

ISAIAH 51:4

“Iw timiqo, tsaqüi I tsa inilo, Iw shiyeqo, akini kugho puwolo; kughengu azah lakhi I launo ipe nani, eno I no achipiu pesü timiqo ghenguno aküvü shitsü nani.

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

ISAIAH 55:5

Julo, itehi nongu no mtha kemi shiye kupuwu nani; eno shiye nongu mtha kemi no nongu lau po ighi nani, kughengu Ampeu nongu Lhou, Akimtheu Israel Lhou no nongu pesü ajekipipu shive tsüke.”

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

MATTHEW 12:21

eno pa je lono shiyeqo no lajube nani.”

Mark 3:3

Jisü no au kithiu vilo pi, “Hilau ighilo.”

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

1 Kor. 9:21

Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).