ISAIAH 41:26 - Sumi Naga CL (Re-edited) Bible (BSI)

²⁶ Khuu no abothu lono hi sheshu, momu azüuno pi kea? Tishianguno ningu pelo, “Pa ye achipie” ipi peniye ke. Khunomu sheshumo, pikülhamo, nongu no pikeu chilu püamoe.

BAIBEL (BSI)

²⁶ Nongu khuuno hipau shini cheni kepi asheazushi pi, tishianguno nonguye achipi kepi ino pikepu shikya? Nongu milakhimu tipau vehu atsa lakhimu pimoe; nonguno pikeu timi milakhimu chimlake!

ISAIAH 41:26 ပူးပေါင်းရင်းမြစ်များ

ISAIAH 41:22

Panongu pelo süghi pelo eno kiu shiniye ani keno ni vilo piju pelo. Ni vilo wovekeu lo panongu ye kiutoi keno piju pelo, tishianguno ningu no panoqo ikhiluni, eno hithiu kishive nani keno ningu no ithinie; momu ni vilo ighinikeu vehu pilo.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 43:9

Shiye kümtsü no hekütsü, ashiaye kümtsü no kumqo ke. Panongu dolo khuu no wove keu vehu pilu eno ni vilo tipa vehuqo pilu nani kea? Panongu pelo pano chipiu gholo thopimi saghi pelo, panongu pelo ti chilu no, Hi ye kuchoue, ipi pelo.

ISAIAH 44:7

I toike khuu ani kea? Pa pelo sheshu pelo. I no khaghi lomi lhoke ghuloki lono ishi kutolo, panongu pelo sheshu pelo eno I zülo süghiju pelo. Panongu pelo asheazü vehu piputoju pelo.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.