ISAIAH 41:2 - Sumi Naga CL (Re-edited) Bible (BSI)

² ‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

BAIBEL (BSI)

² ‘Kipelauno aghutou saighikeu hiye khuno kya? eno pano khila wuni keno tokulu shipekeuye khuno kya? Khuuno kukami ngo ashiayehqo shou tokulupu pesu tsu kya? Pa zutakihi pesu ayeghimukhu toi panoqo ghiqhike. Amlhu zulo aghijini toi pa pijino panoqo kaqhi.

ISAIAH 41:2 ပူးပေါင်းရင်းမြစ်များ

BOTHUBO 11:31

Terah no pa nu Abram, pa tilimi Haran nu Lot, pa nu Abram nipu eno pa mukishiu Sarai, ishi sasü kümtsa Chaldeami yeghi Ur lono Canaan yeghi lo wuniye cheve, ikemu kughou panongu no Haran lo ighi keno, panongu no tile xüsüve.

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

SAMUEL AKINIU 22:43

I no ayeghimkhu toi panoqo mukhumuno shivetsü; alaghi lo aniba toi I no panoqo qoqhi eno nedaqhi.

KUKAMI AKINIU 13:7

Jehoahaz ye pa gholo ghüshimi kihi kelo khurshimi lhopungu, khurkulu chighi eno apukhu lono chewuni kemi 10,000 likhive, kughengu Syria kükau no panongu kütsave eno ayeghimkhu toi kughulhove tsüke.

YEKIKITHI AKINIU 36:23

“Persia kükau Cyrus no ishi piani, ‘Ampeu, Kungugha Lhou no ayeghi lo kükaqha kümtsü I tsüvae, eno Pa no Judah lo Jerusalem lo Pa chineki shiqhe peni keu za I tsü ani. Tighenguno nongu khunoqo Paw timiqo keno Ampeu Alhou no pa gholo apeniu. Pa ye wolu nani.’”

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

ISAIAH 40:24

Panongu no shosü aphi lono, abo lho aphi lono, akuhu qüilo aphi lono kughou Pa no amülhü puwuni keno, tipaqo ye ighüive no ateni toi sawuve cheni.

ISAIAH 41:25

I no ahuu no milakhi hakutho eno pa ye ighivae, pa ye khetsünhe kipelau no ighi, eno pa no I je ku nani; alikümlau no aghani qoda keshi, pa no yepemi qoda nani.

ISAIAH 41:3

Pa no panoqo hawu eno kiumu küpüna mono heche wuve, eno pa pukhu ye ayeghi nemoke.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

ISAIAH 48:15

Ni ampi no pi eno pa kulue; I no Pa saighi, pa ye thokha lo kinikülü shi nani.

AKUMLO 1:15

“Akumtomi I zülo akeqo kümtsü Ampeu no milivae; Iw apumiqo kütsa nike Pa no I lachile ghi ahoho kusüe; Judah nga athatheliu pesü atsaithi qoda keshi Ampeu no nedavae.

IBRIMI 7:1

Kughengu Salem kükau, Akiqheu Lhou chineu Melchizedek hipau no Abraham no aghüla wuno kükami ghiqhi püzü woche kelo pa sasü kusholu no kümghatsü,

Piyeküsü 16:12

Kungumi akütsüghou no pa bohu pesü Euphrates ghoki kije lo leqhi, ikelo kipelau no kükami chekeqo ghenguno ala shetsüni kehu tipau zü qhaive tsü.

Piyeküsü 7:2

Tileno kungumi kütami lakhi no aküxüpu Lhouw michida pesü khetsünhe kipelau no ipe cheghi keu I no ithulu, eno kungumi bidi khunoqo pelo ayeghi eno azüghi ghime penike aküka tsüpüa keno, panoqo vilo pa no asütsa kuloghi lono