ISAIAH 40:31 - Sumi Naga CL (Re-edited) Bible (BSI)

³¹ ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

BAIBEL (BSI)

³¹ Ikemu khunoqono kuphupenike AMPEU pukhubeni keno, panoqo kumto akithe shikithevekeu phulu nani. Panonguno aluqu toi achishibo pusu ikulu nani; panonguno po nani ikeghi qeinaikeu shimo nani; panonguno chewu nani ikeghi akulhoshi miqemilei mo nani.

ISAIAH 40:31 ပူးပေါင်းရင်းမြစ်များ

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

LESHELE 103:5

Pa no akivi pesü o ghapiqi tsü tishikeu lono o lhothe küxü ye alhuqu toi mtotoilu peke.

LESHELE 123:2

Julo, aqemi nhethi no pano mpeu u lo jupuku aketoi, aqelimi nhethi no pano mpeliu u lo jupuku aketoi, Pa no ningu shou kimiyeqhiyi tsümoke kutolo Ni nhethi no Ampeu ni Lhou lau jupuku anie.

LESHELE 138:3

I no O kuke tsala lo Nono I khochile; Nono I ngulho lo aküka mtotoilu peke.

LESHELE 20:9

O Ampeu, akükau xalulo! Nino kukelo khochile tsülo.

LESHELE 25:21

Akikhi eno achipiu pesü I küxü süshope qhitsülo kughengu ni ye O ngokhe ani.

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

LESHELE 25:5

O chipiu pesü I shika eno I sachelo, kughengu No ye I xakuluu Lhou ke; atsala kupuju ni ye O ngokhe anie.

LESHELE 37:34

Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.

LESHELE 40:1

I no kheakulu shi Ampeu khe ani; Pa no I lau kughopuwo no I küqa chilu tsüe.

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

LESHELE 84:8

O Ampeu aqokitikhi Lhou, I kighini chilu tsülo; O Jacob Lhou, akini kugho puwo tsülo!

LESHELE 92:1

Shikimthi keu Ampeu tsükeu ye aloe, O je sheqhe ale phekeu ye aloe, O Shishe Akiqheu;

LESHELE 92:13

Panongu ye Ampeu kilo asübo shosü püake toi nani panongu ye ni Lhou chineki lo ikoishe nani.

IPEKULU 19:4

‘I no Egyptmi lau kiu shi, eno kishi alhuqu chishibo lono nongu xapu eno nongu sasü I lau ighi keno nongu no ithuluvae.

AHOLE 30:19

atsütsü lo alhuqu ghili, atuqu shou apighi achekeu, azüghi kutho lo zükilu, eno kiptimi ngo totimi kimiye kile chekeu.

ALE KIMCHI 8:5

Asayeqha küdau no li lomi mungupe iqhoche keu huye khuu kea? Apple sübo qholono I no o küdaputhuke. O punuu o za ye tileno ihino o punuke.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 30:15

Kughengu Ampeu, Israel Lhou Akimtheu no ishi pi, “Xaide no pükhübelu keu lono nongu xalu ani; iqüghai pükhübe keu no nongu kumtopu shinani.” Ikemu nongu no pulomo

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 41:1

Oh Azüghi mkülo küamiqo, inaqhoi shino I no pikeu inilo, timiqo pelo panongu shikumto kithelu pelo; panongu pelo ighino atsa pipelo; ningu küghakütha ghenguno kumqoni nolo.

ISAIAH 64:4

Timi khunomu O nguno alau ye alhou kütau anipi chimla aphi momu khuno nhethi nomu ithulu mphie, timi no huqhe kelo khochiletsü chekeu Lhou ye O likhi ke.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

JEREMIYA 48:15

Moab ngo paw mishighünaqo ghikiqhiu ye ighivae, eno tile lhothemi kishekiphe likhi ghiqhilevae, ipi Akükau, aqokitikhi MPEU no sheshu.

ZEKHARIA 10:12

I no panoqo pesü Ampeu gholono mtotoi penani, panongu no Pa je lono xünani,” ipi Ampeu no asheshue.

Luke 18:1

Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

ZAKINIU 32:11

Alhuqu no pa püsü chixele eno pa chishibo no atiqo shou fupuku ketoi, pa chishibo sükhope pa tiqo vake toi, pa mqa lono atiqo xapu ketoi,

ZAKINIU 33:25

Ow khagho ye ayi ngo alazayi no aküptasü shi nani, eno o küxü tsala hutoi o küka ghi tishi nani.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

IBRIMI 12:3

Axinemi no Jisü mithi kelo pa ye kishi kutuu keno kümsü julo, tishianguno nongu ye aghüthi sümo eno amlo haumo nani.

JOSHUA 14:11

Ni ye Moses no I puwuke tsala lo toi itehimu mtotoi aphi; ni ye tipa ghuloki lo toi itehimu aghüshi lo wuno ighilu kepu küka aphie.

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.

Piyeküsü 2:3

Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.

Piyeküsü 4:7

aküxüküa lhoxü atüghüu ye abongshuu mihi; akiniu no amshitsü mihi, aküthüu no timi gi mihi, eno abidiu no alhuqu yechekeu mihie.

XAKUTHAMI 16:28

Tile Samson no inikhu, “O Ampeu Alhou, kimiyeno I kümsülu tsülo eno thosülo küka ghuthu lakhi I tsülo, O Alhou, tishikeu lono I nhethi lejove tsükeu ghenguno I no Philistiami shou amkhü luveni.”