ISAIAH 40:10 - Sumi Naga CL (Re-edited) Bible (BSI)

¹⁰ Julo, Ampeu Alhou no Pa kükakumto lono ayepe nike cheni; julo, Pa no xaphelu keu timiqo, asaxü shi ghi Pa no sasü cheni.

BAIBEL (BSI)

¹⁰ Julo, AMPEU Alhou no akuka lono ayehpenike cheni; julo, pano xapheluvekemi timiqo pa gholo sasu cheni.

ISAIAH 40:10 ပူးပေါင်းရင်းမြစ်များ

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

LESHELE 110:6

Pa no shiyeqo shou küghaküthabe nani, akithikumo no pano-a chhive nani, Pa no ayeghi kupuju lo atomiqo haleve nani.

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

ISAIAH 33:2

O Ampeu, nino O laju anike ni lau küpüqhiyi tsülo. Ina atsütsü ni kumtou shitsülo, aveküsa ghuloki lo ni xalu tsülo.

ISAIAH 49:4

Ikemu I no pi, “Ni ye adou lono aghimeshi mlaithavae; ni ye adou eno akiqi kühakeu lono I küka puwovae, ikeghi mtsüqheino I chipiu ye Ampeu gholo ani, eno I saxü ye I Mpeu gholo ani.”

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

ISAIAH 59:15

Amikucho ye kühavae, timi khuu no alhoksa lono tsüghü wuveni keno, pa ye pa ampi pesü tsükuchupu lhoxü toi shivae. Ampeu no ti ithulu, eno achipiu xakütha kühakeu ithulu no Pa mlo qimove.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

ISAIAH 59:18

Pa no panoqo kümla kiqi lono, lochile nani, axukighide pesü pa mjochile akemi ngo pa ghümi lochile nani; azüghi küdau akemi lau Pa no lochile nani.

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

ISAIAH 63:5

I no pishipuwo juke ikemu milakhi mu I kuphuni kemi kühave; Ni ye akichiqhive ikemu khunomu ti ithi tsümoe; ikehu ni ampi no Iw xakulupu süghi, eno I loghu no I süqheke.

JEREMIYA 31:16

Ampeu no ishi piani: “O küqa ghügha tavelo, eno o nhezü kipiji tavelo, kughengu o kümla jume ani, ipi Ampeu no sheshu, eno panongu ye aghümi yeghi lono ideighi nani.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

John 12:13

Ikehu panongu no amsabo loka pesü pa kushoni ye wuno ighamku pi, “Hosanna! Khuu no Ampeu je lono cheni keno Alhou no pa kümgha tsülo, Israel Kükau kümgha tsülo!”

John 12:15

“Msa kevilo, Zion limiqo; julo, o kükau ye cheae, khurha ti shou iqa no chenie.”

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.