ISAIAH 38:16 - Sumi Naga CL (Re-edited) Bible (BSI)

¹⁶ O Ampeu, timi ye O tsa eno O kümla vecheo xülu cheni, eno I küxü ghi hipau lo anie; I shiaji putho tsüno I püxü tsülo!

BAIBEL (BSI)

¹⁶ O AMPEU, niye oghenguno xunike, oghengu likhi xunike; Ishipivitsulo eno ipelo xulu pelo.

ISAIAH 38:16 ပူးပေါင်းရင်းမြစ်များ

LESHELE 119:25

I ngulho no ayeghimkhu lo ihozü ani, O tsa kiqi lono I püxü tsülo.

LESHELE 119:71

I ghimeqhi keu ye I ghenguno akivi ke, tishikeu lono I pelo O kükütsüqo papelu peniye ke.

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

LESHELE 30:3

O Ampeu, Nono Kithigha lono I saipeghi; aqo lo ikiqi ilove keqo gholono Nono I küxü athoputho tsüe.

LESHELE 39:13

I no cheve no kühave mphi lono I launo tsüghüve lo, tishiaye ni ye alovi kithelu nani.

LESHELE 71:20

No khuu I pelo aveküsa eno amhekiqi ithulupe keno Nono I püxü kithe tsü nani; ayeghi kuthoku lono Nono itaghi I saipeghi nani.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

MATTHEW 4:4

Ikemu pa no khochile, ishi yepüani, “Timi ye achuqupu vecheo likhino xülumo nani, ikemu Alhou kichi lono atsa ipeghi keu vecheo ke.”

1 Kor. 11:32

Tishimu kughou Ampeu no ningu shou küghathabeni keno, ti ye ningu shikümzü ani, tishianguno ningu ye ayeghiqha gholono kileqhive pemo niye ke.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

ZAKINIU 8:3

Pa no nongu kuchuni no müzüthive pe, eno manna pesü lojie. Nongu eno no puasüqo mu ti ye kiu keno mthae, ikemu nongu pelo timi ye achuqupu vecheo likhino xülu chemo ikemu Ampeu tsa vecheo xülu nani kepi ithi peniye Pa no hi shike.

IBRIMI 12:9

Itaghi, ayeghilo ningu papuqo no ni sakiyi qoputhu no nino panoqo qhoqhü cheni. Tishiaye, ningu ye tinguno alau anguaghalo Papu qhoqhü moni keshea?