ISAIAH 35:8 - Sumi Naga CL (Re-edited) Bible (BSI)

⁸ Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

BAIBEL (BSI)

⁸ Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

ISAIAH 35:8 ပူးပေါင်းရင်းမြစ်များ

LESHELE 118:20

Hi ye Ampeuw khagho; amikuchomi no tilehi ilo nani.

LESHELE 119:130

O tsa hephopiye keu no aküvü tsü cheni; tipau no akümthami lau vethakulu süghi cheni.

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

LESHELE 23:4

I no akithi yekükhü khila hechewu namu ni ye alhoksa kiumu msamoe, kughengu Nono I gholo ani; O küsü eno O qheküsü no I lokughuno tsü cheni.

AHOLE 16:17

Akümzümi laghi ye alhoksami launo putou acheni, khuu no pa laghi jukutoni keno aküxü pükhalu cheni.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

AHOLE 8:20

Ni ye amikucho eno achipiu xakütha laghi püla cheni,

AHOLE 9:4

“Khuu no itikütüpa cheni keno hilau tsüghü ighilo!” Kümsükümlau vilo li no picheni,

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 19:23

Tipa tsala lo Egypt lono Assyria kutolo alaghi kuloghi auve no Assyriami no Egypt lo ighi, Egyptmi no Assyria lo wunani, eno küma kümtsa mlla nani.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.

ISAIAH 33:8

Kicheghüzümi kühave no alaghila ye küghüvae. Puloshoqhiqo hexavae; thopimi jukünatha auvae; khunomu khuu kihi movae.

ISAIAH 4:3

Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 43:19

Julo, I no avehu kithe shi ani; ti ye ipeghi ayae, nongu ye ti pimhelu ani kema? I no timi küghünamo ke-a lo alaghi mla nani eno asayeli lo aghoki mla nani.

ISAIAH 51:10

Azüghi kutho chethove pekeu, tishikeu lono Nono xachile luve kemi pelo katha ikulu pekeu ye Noke kumo keshea?

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 52:11

Nongu Ampeuw akimthe bohu xapuche keqo, wuvelo, wuvelo, tilehi no ipevelo, mithekumo nhemgha bu kevilo, tipa-a mta lono ipeve lo eno nongu ampi shikimthevelo.

ISAIAH 57:14

Hitoi piche nani, “Shiqhelo, shiqhelo, alaghi kutolo, Iw timiqo laghi lono vekhape akeu kümtsü ikhive lo.”

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

JEREMIYA 31:21

“Ala lo amchipu shipe qhilo; o ghenguno kichekütsü mlalo; nono khipa la lono wuve keno alaghila jukimchi pe qhivelo. Ideighilo, O amikuchou Israel, ow mishighünaqo lo ideighilo.

EZEKEL 43:12

Achineki yezah ye hipau ke: Naghuto kütsüqa eno tipau hokümxa kümtsü ighono akimthe ke. Julo hi no achineki yezah ke.

EZEKEL 44:9

“Ikehu Ampeu Alhou no ishi piani: Inaghami Israelmi gholo akemi, amlo eno ashi lo aphighüyiko ghamo kemi khumu I kimtheki lo ilomo nani.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

1 Thes. 4:7

Kughengu Alhou ye mithemo peniye ningu kuluke kumoe, ikemu akimthe shi peniye ke.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

1 Peter 1:16

kughengu ishi yepüani: “Nongu ye akimthe shilo, kughengu Ni ye akimthe ke”

2 Peter 3:13

Ikemu Paw pikiqhitsa kiqi lono ningu ye kungugha kithe eno ayeghi kithe khile achipiu mikucho ani keno ti khe anie.

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.