ISAIAH 35:6 - Sumi Naga CL (Re-edited) Bible (BSI)

⁶ apukhu kinitave kemi no ashe toi kakashi ilhe eno atsa pikümlami no alovi ale phe nani. Kughengu qhaike yeghi, asayeqha lono azü puipeghi no qowulu ke;

BAIBEL (BSI)

⁶ Apukhu kinitave kemino ikaulu eno ilhelu nani, atsa piphemla kemino alovi igha nani.

ISAIAH 35:6 ပူးပေါင်းရင်းမြစ်များ

NEHEMIA 9:15

Panongu müzü ghenguno kungugha lono asho tsü, atüghü ghenguno atuqu lono azü tsüe. Nono panongu tsünike tushoqhi keu yeghi lo ilo no qhasü luvelo pike.

LESHELE 107:35

Pa no asayeqha pesü ayizükucho shivetsü, qhaike yeghi pesü azüpuki shivetsü.

LESHELE 46:4

Alhouw mishighüna, Shishe Akiqheu kimthe ghüna-a lo alokivi qoipeighi chekeu ghoki lakhi ani.

LESHELE 51:15

O Ampeu, I mütsü xükho tsülo, eno I kichi lono O shekiqhe sheshuni.

IPEKULU 17:6

Julo, I no Horeb lo atuqu shou o zülo puthugho nani, no ye tilehi atuqu shou ghapuku lo, tipau lono azü ipeghi nani, eno timiqo no azü yelu nani.” Moses no Israel lo layemi zülono tishie.

ISAIAH 30:25

Ghikiqhi tsala kijelo kughou no aghümi liwo qogheqo ikiqiveni keno, naghuto kuchuqu eno atoghi kiqhe kümtsü lo aghoki no qowu nani.

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 32:4

Lhelhei kemi ghi vethaluve nani, eno angü-angüshi pikemi no mtsümishei piuve nani.

ISAIAH 33:23

Nongu kighi ye ichonhei ani; tino ashuka tsükucho mtotoi mlano fusawu kepu phi xakholu amoe. Tishino hakhokulu thimeqo pofushi kije no kulhokughomi ghi pano saje ithulu nani.

ISAIAH 35:1

Yenguyi eno qhaike yeghi no alovi nani eno axamunu toi pule nani;

ISAIAH 42:11

Asayeqha eno tile mishiphughiqo pelo asütsa süqhe pelo, Kedar no xüsüpe akeu phuqo, Sela lo küghüna akemi pelo alokivi le phe pelo, panongu pelo naghuto kütsüqa lono ighamku pelo.

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 48:21

Pa no panongu sasü asayeqha katha kelo panongu ye tüghüthi moe; Pa no atuqu lono panoqo ghenguno azü ipeghipe; Pa no atuqu hepho eno tipau lono azü qoipeghi peke.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

ZEKHARIA 14:8

Tipa tsalani aküxüpu zü no Jerusalem lono qoipeghi no tüxa no kipelau züghi lo qoilo nani eno tüxa no kulolau züghi lo qoilo nani. Tipau ye mütsü eno süsü tusho kupuju qowu anani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

AKIKIHI 20:11

Moses no aküsü peqhe no atuqu shou ghuthu kini ghapuku kelo azü no kupukuno shi ipeghi, eno timi ngo lhoxü kümtsü azü yelu.

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 12:22

Tile anhechemi eno atsa piphe kümlami khuu tüghami no ghime ache keno, timi hu Jisü lau saghi, eno Jisü no pa shipivitsü kelo pa no atsa piluve eno ithuluve.

MATTHEW 21:14

Anhechemi eno aphiau kinitave kemi no achineki lo pa lau ighi, eno pa no panoqo shipivi tsüe.

Luke 1:64

Paikhavi no pa kichi eno amili xükhove tsü, eno pa no atsa piluve no Alhou sheqhe thuve.

Luke 11:14

Jisü no atsa pikümla ghawu milakhi phi lono haphe ae. Pa no aghawu hapheve no timi huno atsa piluve kelo timiqo no akümzave.

Apostolmi 3:2

Ikelo Jukivi Khagho lo timi lakhi apunu lono apukhu kinita kemi tsalakipe xapuwo qhino achineki lo iloche kemi vilo pisa khuchu chekeu khape cheghi.

Apostolmi 8:7

Kughengu timi kutomo philo mithekumo ghawu akeqo no aghügha küsashi ighasü ipeghi, aghi-anhü kithimi, eno aphiau kinita kemi shipivi ae.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.