ISAIAH 33:2 - Sumi Naga CL (Re-edited) Bible (BSI)

² O Ampeu, nino O laju anike ni lau küpüqhiyi tsülo. Ina atsütsü ni kumtou shitsülo, aveküsa ghuloki lo ni xalu tsülo.

BAIBEL (BSI)

² AMPEU, nikimiyekutu tsulo. Nino oshou pulube anike. Tsalakipe tsulo nisusholo eno shiluksa ghulokilo nixalu tsulo.

ISAIAH 33:2 ပူးပေါင်းရင်းမြစ်များ

LESHELE 123:2

Julo, aqemi nhethi no pano mpeu u lo jupuku aketoi, aqelimi nhethi no pano mpeliu u lo jupuku aketoi, Pa no ningu shou kimiyeqhiyi tsümoke kutolo Ni nhethi no Ampeu ni Lhou lau jupuku anie.

LESHELE 143:8

I pelo inaqhe Ow iqemokeu kikimiye chilu pelo, kughengu I no O pükhü cheni. I no püla masa keu laghi I pelo ithi pelo, kughengu I no O lau I ngulho süqhe ani.

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 33:22

O Ampeu, Ow iqemokeu kikimiye ni shou alo, ningu no O shou pükhü achenie.

LESHELE 37:39

Amikuchomi xakulupu ye Ampeu launo ke; aveküsa tsala lo Pa no panow sükusho-a ke.

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 46:5

Alhou ye aphughi lo ani; li ye ithamo nani; kughou inaqhe vüipeghi keno Alhou no li kuphutsü nani.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 60:11

O, aghümi mjochile akeu lo akukuphu ningu tsülo, kughengu timi kukuphu ye adoue!

LESHELE 62:1

I ngulho no iqüghai Alhou likhi ngokhe acheni; Pa launo Iw xakulu ighi cheni.

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

LESHELE 90:15

Nono ningu shikighime keu tsala qhemi, eno alhoksa ni pelo ithulupe keu mpe qhemi ni lopivi tsülo.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

IPEKULU 14:27

Ikehu Moses no azüghi shou pa u chhopuwu, eno kughou inaqhe shive keno azüghi no ideilo azüu tholo ngove. Egyptmi no tipau lo posü ilove kelo, Ampeu no Egyptmi azüghi mta lo vesüve.

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 37:3

Panongu no Isaiah vilo pi, “Hezekiah no ishi piani: ‘Atsala hipau ye aveküsa, tichetighe, akukujo tsalae; atianuli punu niye milepe ngove akemu shoqhilu kepu küka kühavae.

ISAIAH 40:10

Julo, Ampeu Alhou no Pa kükakumto lono ayepe nike cheni; julo, Pa no xaphelu keu timiqo, asaxü shi ghi Pa no sasü cheni.

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

AKUMLO 3:23

tipaqo ye inaqhe atsütsü akithe ke; O pükhükulu ye kije ke.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.