ISAIAH 3:11 - Sumi Naga CL (Re-edited) Bible (BSI)

¹¹ Kixikilami hasapue! Pa sala aghime anani, kughengu pa no shike toi pa lau shitsü nani.

BAIBEL (BSI)

¹¹ Ikemu alhoksamiye ahakusapue! Panoqoye avekusapu sholu nani; panonguno timi lau kiu shiche keno tipau panoqo shou shipuku nani.

ISAIAH 3:11 ပူးပေါင်းရင်းမြစ်များ

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI ATUGHIU 21:21

Julo, I no o shou amhekiqi puwu nani. I no Ahab lagha lo kiptimi thaqhü, aqüaxemi ililai kemi kümtsü püghave tsüni.

YEKIKITHI AKINIU 6:23

Ow kungugha lono ini tsüno O qeu lau küghatha tsülo, eno küqüve keu lau aghime tsülo ikemu achipiu ye pa chipiu kiqi lono kümgha tsülo.

JOB 10:15

I no pimive aghi aye I hasapue! I no achipiu lo aghi aye ni ye I kijivile mlae, kughengu ni ye akukujo no chhitoi eno kushuküqha no mhoqhivae.

LESHELE 28:4

Pano kümla eno pano kixikila kümla kiqi lono lochile lo; pano u no mlakeu kiqi lono tsüchile lo; panongu no ithulu küzüpu pesü pano saxü shitsü lo.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

AHOLE 1:31

tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

AHOLE 11:31

Ayeghi lono amikuchomi jume tsüchile cheghi keaye, kixikilami ngo axinemi ye khijeta ithulu nani kelae!

AHOLE 12:14

Milakhi saxü ye pa kichi lono pikeu shou bepe ani, milakhi no mla püakeu ye pa lau ideighi cheni.

AHOLE 26:27

Timi kitimeni ke aqo chhukemi ye pau no ikiqi ilove nani, khunono atu tukuluqhini keno pau shou ilu ikughi nani.

YETSAPIU 8:13

Ikemu kixikilami ye akivipu kumoe, pa küxü ghi yekükhü lakhi toi süchho mla nani, kughengu pa ye Alhou msamoe.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 48:22

“Kixikilami ghenguno aloino keu kühae,” Ampeu no pi.

ISAIAH 65:20

Angaqo ye akughunu aphi lono khilemu thivemo nani, eno kitemi no axüshu no thi nani, kughengu lhothemiqo no ampe aqhe shino thi nani, eno axinemi no ampe aqhe lono thive aye, ti ye müsüinive kehu ke.

ISAIAH 65:6

Julo, I zülo hitoi yepüani: Ni ye inaqhoi ngomo nani, ikemu lochile nani; kuchou no I no pano lukobo lo lepukutsü nani.

ISAIAH 65:7

Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

JEREMIYA 21:14

Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

JEREMIYA 31:30

Ikemu kümtsü no pütüta xine ghenguno thinani. Khuu no atsaithi kiqhi chuni keno pa no ahu müqü nani.

EZEKEL 16:59

“Kughengu Ampeu Alhou no ishi piani: Nono mlave ketoi I no o lau shinani, no ye puloshoqhi kubove keu vecheo küthakügha shivae,

EZEKEL 18:20

Khuu no axine shini keno mtsüqheino thinani. Anu ye apu kipimi ghenguno aghime shimo nani, momu apu ye anu kipimi ghenguno aghime shimo nani. Amikuchomi mikucho ye pa ampi shou ikughi nani, eno kixikilamiw küsakügha ye pa ampi shou ikughi nani.

EZEKEL 2:10

Pa no tipau I zülo xükho tipau lo azüu ngo athiu yepuku püaghi, eno akumlo, amloghuju eno ahasapu tsa yepuku püaghie.

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

EZEKEL 33:8

Tsala I no kixikilau vilo, O kixikilau, no ye mtsüqheino thinani, eno nono ti pimove no kixikilau pelo pa laghi lono tsüghü pemo aye, kixikilau huye pa kipimi ghenguno thive nani, ikemu pa ji ye I no o launo khu nani.

MICAH 3:4

Tileno panongu no Ampeu lau qasü ighi nani, ikemu Pa no khochilemo nani; tipa ghuloki lo Pa no panongu launo Pa gi küsüve nani, kughengu panongu no küsakügha kümla shive ke.

MICAH 7:13

Ikemu ayeghi ye tile küxümi kümla ghenguno pighive nani.

AKIKIHI 32:23

Ikemu nongu no hitoi shimo aye, julo nongu ye Ampeu zülo axine shivae eno tipau xine no nongu shou akipimi ikughi nani pütsae.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

XAKUTHAMI 9:57

Shechem timiqo ghi Alhou no pano xine pesü pano kütsü lo ikughipe, eno Jerubbaal nu Jotham no ghusho püake toi pano shou ikughie.