ISAIAH 29:18 - Sumi Naga CL (Re-edited) Bible (BSI)

¹⁸ Tipa ghuloki lo akinikughupomi no kaku lo akeu tsa chilu eno anhethi iche kemi no aküzü züchiyi keu lono pano nhethi xükhope ithulu nani.

BAIBEL (BSI)

¹⁸ Kughou tipa tsala ighini keno, akini kughupomino kaku lakhi phisukeu chilukepu shilu nani, eno anhethi kighichemino zumoyike ngo zuchiyikeulo acheno pano nhethi xukholu puzu ithulu nani.

ISAIAH 29:18 ပူးပေါင်းရင်းမြစ်များ

LESHELE 119:18

I nhethi xükho tsülo, tishianguno O yezah lo akümzapu thimeqo akeu I no ithulu nani.

AHOLE 20:12

Chikulu kini eno ithukulu nhethi kinikujo Ampeu no mla tsüke.

ISAIAH 29:24

Izüichoi kemi no vethalu nani, eno muchho munu chekemi no akükütsütsa ikhiluve nani.”

ISAIAH 32:3

Tileno ti ithulu eno chilu kemi no ithikuthulu no amlotsü qhiyi nani.

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

ISAIAH 42:19

I qeu nguno anhethi kighicheu khuu ani kea? I tsapeu nguno akini kughupou khuu ani kea? Iw kishekiphe nguno anhecheu khuu ani kea? momu Ampeu qeu nguno anhecheu khuu ania?

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

ISAIAH 43:8

Khunono anhethi ani kemu ithulu chemo, akini ani kemu chilu chemo keno, panongu saipeghilo!

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

Mark 7:37

Timiqo no shishe akichiqhive no pi, “Timi hipau ye thokha akivishi mla ani. Akini ipo kemi eno piphemla kemi ghi pa no chilupe eno pilupe ani.”

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Luke 7:22

Pa no pama khochile, “Wuno John vilo nokujo no kiu ithulu eno chiluve akeno pilo: anhechemi no anhetsü ithulu ani; kinitave kemi no ala chelu ani, apüghami no mithelu ani, akini kughupomi no chilu ani, kithimi xüputhuve ani, eno kumlhomi lau atsakiviu sheshu ani.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

John 9:7

eno pa vilo pi, “Wulo, Siloam zükucho lono qhuvelo.” (Siloam kiqi ye Puwu). Timi huno wu püzü pa nhethi qhuve no ithulu ghi ideighi.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

ZAKINIU 29:4

Ikemu ishi kutolo Ampeu no vethalu kepu mlo, anhethi eno akini nongu tsümoe.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.