ISAIAH 22:13 - Sumi Naga CL (Re-edited) Bible (BSI)

¹³ Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”

BAIBEL (BSI)

¹³ Tishinike zuqhu nongu ye nuauve eno ahukulu lokivi shiauve. Nonguno chuniaye bheri ngo amshi heqhi eno nonguno aji sho auve. Nonguno ishi pike, “Ninguye chu sho ani nolo kughengu thiniake.”

ISAIAH 22:13 ပူးပေါင်းရင်းမြစ်များ

ISAIAH 26:10

Kixikilami saphuuve aye, pa ye achipiu mikucho ghili ithimoae; akümzümi yeghi lo thotsü pa ye akumou shinani, eno Ampeu kükanguagha ithulumo nani.

ISAIAH 29:1

Ariel, Ariel, khikhi David no khasü keno aphughi huye ahae! Ampe atsütsü tiqhetini jeli pini alo.

ISAIAH 47:8

Tighenguno itehi hi inilo, nongu aghakiqipu kimiye eno sükusho qholo ngono amlo lono ishi piche keqo, “I likhi ke, I nguno kütami khumu kühae; Ni ye chimemi toi iqamo nani momu atianuli pühave keu mloküsa ithimo nani”:

ISAIAH 5:11

Khunono aji kümka shoniye inaqhe itheno ithu, eno kijiliu aji no lüghüi pitipüza moke kutolo shocheni keno, pano hasapue!

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

ISAIAH 5:22

Khunono aji kusho eno aji kümka kikite lo shitsami kepi cheni keno ahasapue,

ISAIAH 56:12

Panongu no pi, “I no atsaiji peighini, ningu aji kümka shoni nolo, eno thoghiu ye ishi tsala nguno kimghi mla kepushi alo nani.”

ISAIAH 58:3

‘Kushiye nino kümvü akeghi, No ye jutsümo kea? Kushiye nino aqhokigheu shikeu ithi tsümo kea?’ Julepi, nongu no kümvü akelo ghi, nongu ye nongu pulou shi cheni, eno nongu kümla kishimi qodaqhi cheni.

EZEKEL 16:49

Julo, o tsünipu Sodom kipimi ye hike: li eno li ngaqo ye aqheküza, achuqupu achili eno pofushi keu lokughuno ae, ikemu kumlhomi ngo akukuphu avehupu shi akemi kuphu tsümoke.

HOSIYA 9:1

Alovi kevilo, O Israel! Ashiayeqo toi ahulü akevilo; kughengu nongu ye no Lhou pheve no kütüqhauvae, nongu ye aniqa kümtsü lo asalha jume kimiye cheni.

1 Kor. 15:32

Ashi gholau no pini keloye, I no Ephesus lo tüghashiqo sasü kichighike ghenguno ni ye kiu ala shi ani kea? Kithimi xüputhu cheghimo aye, “Ningu chusho ani nolo, kughengu thoghiu ningu ye thiniae.”

James 5:5

Nongu ye ayeghi lo nibonilei eno aghakiqipu shi xüvae. Ghiqhini keu tsala ghenguno nongu ye atha pubeyivae.