ISAIAH 21:16 - Sumi Naga CL (Re-edited) Bible (BSI)

¹⁶ Kughengu Ampeu no I vilo pike, “Aqekiqemi no ado kihi chekeu kiqi lono ampe lakhi dolo Kedar jekipi ye kishekhave nani.

BAIBEL (BSI)

¹⁶ Tileno AMPEU no ivilo pi, “Loi ampe lakhi lono Kedar shiayehqono kije shiachekeu lono kishekhave nani.

ISAIAH 21:16 ပူးပေါင်းရင်းမြစ်များ

BOTHUBO 25:13

Hipaqo no Ishmael nuli jeqo, panongu punu keu pasü lono aje: Nebaioth, Ishmael nu anoghiu; eno Kedar, Adbeel, Mibsam,

YEKIKITHI ATUGHIU 1:29

Pama kughukoqo: Ishmael nuli atüghümi, Nebaioth ngo Kedar, Adbeel, Mibsam,

JOB 7:1

“Ayeghi lo timi küxü ye ghüshimi ghime toi kushokütsüpu, eno pa tsala ye aqekiqemi tsala toike kumo?

LESHELE 120:5

I no Meshech lo itsü kupokiche shiche keu eno Kedar phiki lo küghüna chekeu no I ghenguno ahasapue!

ALE KIMCHI 1:5

O Jerusalem lo ilimiqo, ni ye tsüngtsüi kemu jukivie, Kedar lo aphiki toi, Solomon chineki lo nhaqhiphi toike.

ISAIAH 16:14

Ikemu itehi ye Pa no ishi pivae, “Aqekiqemi no ado kihiche keshi ampe küthü dolono Moab jekipipu ye thoküghapu shive nani, paw timi kütsasa ache keu dolo ghükulumi ye aghulo eno miqemlei kemi likhive nani.”

ISAIAH 42:11

Asayeqha eno tile mishiphughiqo pelo asütsa süqhe pelo, Kedar no xüsüpe akeu phuqo, Sela lo küghüna akemi pelo alokivi le phe pelo, panongu pelo naghuto kütsüqa lono ighamku pelo.

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

JEREMIYA 2:10

Cyprus xüsa veche wuno julo, momu Kedar lo puwu no tsaqüi chhejulo; tile hitoi keu thime ani mala julo.

JEREMIYA 49:28

Kedar ngo Hazor kükaqha Babylon kükau Nebuchadnezzar no leluve keqo ghenguno. Ampeu no ishi piani: “Ithulo, Kedar leluve lo! Kipelau timiqo kütsave lo!

EZEKEL 27:21

Arabia ngo Kedar lo kükapumiqo no o mbeti, ambetsü, eno ane küqhükili shikeu lo o pulou shilu chekemi ke; thime hipaqo lono panongu no o sasü lhidi shiche.