ISAIAH 2:11 - Sumi Naga CL (Re-edited) Bible (BSI)

¹¹ Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

BAIBEL (BSI)

¹¹ Timino aqhekuza shichekeu kishekha nikeu eno timino akuchhoma shiche keu kutsapinyive nikeu tsala lakhi cheni. Tipanino AMPEU likhi xaqhepuku keu tsala shinani.

ISAIAH 2:11 ပူးပေါင်းရင်းမြစ်များ

SAMUEL AKINIU 22:28

Nono mtshaivü kemi xalu cheni, ikemu aqheküzami sünheqhi veniye Nono panoqo jucheni.

LESHELE 18:27

Kughengu Nono aqhokighemi xalu cheni, ikemu tsütsüngoju kemi ye Nono sünheqhive cheni.

LESHELE 18:28

Kughengu I kulu küiqü tsükeu ye No ke; Ampeu I Lhou no I küzü yepüvü tsücheni.

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 94:2

Ithulo O ayeghiqha xaküthau; aqheküzami no kiu ithulu küzü keno tsüchile lo!

AHOLE 16:5

Amlo lono qhezalaki kemi Ampeu no aphimqhü cheni, panongu ye ghime moveni keu kumo kepi thebei ithilo.

AHOLE 30:13

Khami ye kishi aqheküza nhethi xapu acheni eno kiutoi tsütsüngoju acheni kepi lae!

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 12:4

eno tipa tsala lo ishi pi nani: “Ampeu shikimthi tsülo, Pa je kulo, ashiayeqo vilo Pa kümla lhepiyelo, Pa ye sheqheküzü kepi shuphelo.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 14:15

Ikemu no ye aqokutho ashekhau Kithigha lo sünhe saiqighivae.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 28:5

Tipa tsala lo aqokitikhi MPEU no Paw timi ghükulumi ghenguno agigihupu eno jukivi kütsükuqho shinani,

ISAIAH 29:18

Tipa ghuloki lo akinikughupomi no kaku lo akeu tsa chilu eno anhethi iche kemi no aküzü züchiyi keu lono pano nhethi xükhope ithulu nani.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 30:23

Nongu no apiti yisü kelo Ampeu no tsütsüghu puwutsü nani, eno ayeghi lo pekighi no kinikülü eno pofushi achuqupu tsü nani. Tipa ghuloki lo now pichepighi no achu kümza-a kije lo mzachu nani,

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 4:1

Tipani totimi tsüni no kiptimi lakhi tsüqü pesü pi nani. “Ningu chuqupu ngo aphimini ye nino qhü nanike aje likhi nomu ningu pesü o nipu ipi lupe no thili shi akeu kukujo ikhive tsülo.”

ISAIAH 40:23

Pa no kükami kuchunive cheni, eno ayeghi lo yepemi abokümsa shivetsü cheni.

ISAIAH 52:6

Tighenguno Iw timiqo ye I je ithipe nanie. Eno kihitha püatsü akeu tsala tolu kelo, I no pi ani kepi, panongu no ithi nani ke; Ni ye hile ani.”

JEREMIYA 12:9

I mheghi ye atine ki toive akeo? Ashikuchu ghauqo no li homxa luve akeshea? Tüghashiqo no tsüchuve penike wuno kümtsü hekütsü saghilo.

JEREMIYA 9:24

ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

EZEKEL 38:14

“Tighenguno, timi nu, tungkuptsa Gog vilo pilo, Ampeu Alhou no ishi piani: Tipa tsalani Iw timi Israelmi no sükusho qholono küghüna akelo, no ye ti ithimo nani keshea?

EZEKEL 38:19

Kughengu I nhekushu lono eno I loghu miküqü lono I no asheshu, Tipa tsalani ayeghi küghütha kije Israel yeghi lo ighi nani.

EZEKEL 39:11

“Tipa tsalani Gog shiqho penike I no Israel lo a-a lakhi, azüghi kipelau, Kicheghüzümi Khila tsü nani. Tino aghüzümi kümtsü vekha nani, kughengu Gog eno paw aqokitikhi ye tile shiqhove nani ke. Ti ye Hamon-gog Khila ipi kunani.

EZEKEL 39:22

Tipau tsala nguno hilau ye Israel kibolomi no Ni ye Ampeu panongu Lhou kepi ithi nani.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

HOSIYA 2:16

“Tipa tsala lo, Ampeu no asheshu, nono I vilo ‘I kimi,’ ipi ku nani eno no ye I vilo ‘Iw Baal’ ipi kumove nani.

HOSIYA 2:18

Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

HOSIYA 2:21

“Tipani I no khochile nani, Ampeu no shuphe ani, I no atsütsü khochile nani, panoqo no ayeghi khochile nani,

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

Obadiah 1:8

Ampeu no pi ani, tipa tsalani, Ni ye Edom lo alokütsümi eno Esau Naghuto lono vethakulumi kütsave moni keshea?

MICAH 2:3

Tighenguno Ampeu no piani: julo, Ni ye akibo hipau shou amhekiqi kughupe ani, tipau lono nongu xaphemla nani, eno nongu no aqheküzashi ala chemove nani, kughengu ti ye amhekiqi doke.

MICAH 4:6

Tipa tsalani, Ampeu no sheshu, I no ala chemlave kemi hekütsü nani, I no khunoqo hapupove eno ghimeve keno kukumqo nani;

MICAH 5:10

Tipani, Ampeu no shuphe, I no nongu launo now khurshi ngo khurkuluqo kütsave tsü nani;

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

ZEFANIA 3:16

Tipani Jerusalem vilo pi nani: “Msa kevilo, O Zion; o u miqemleive kevilo.

ZEKHARIA 9:16

Tipani Ampeu panongu Lhou huno Paw timi loji xalu nani; kükakütsüqho lo achiku toi panoqo no Pa yeghi lo vü nani.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

2 Kor. 10:17

“Khuu no qhezani keno, Ampeu küdau no qheza pelo.”

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”