ISAIAH 17:7 - Sumi Naga CL (Re-edited) Bible (BSI)

⁷ Tipa tsala lo timi no Lhoküsüu Israelmiw Akimtheu lau jupuku nani.

BAIBEL (BSI)

⁷ Kughou tipa tsala ighini keno panoqo Lhokeu Israil Lhou akimtheu pelo panoqo kuphupenike ideighi nani.

ISAIAH 17:7 ပူးပေါင်းရင်းမြစ်များ

SAMUEL AKINIU 22:42

Panongu no laju akemu xaluni kemi kühae; Ampeu lau ighamku kemu khochile moe.

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

LESHELE 95:6

O ighilo, ningu itsaqi no Pa mllani; Ampeu ni Lhoküsüu zülo qhoqhünheni nolo!

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

ISAIAH 22:11

Nongu no azükikhe aqau zü luniye atupi kini dolo azükikhe chhuke. Ikemu nongu ye Khuu no tipau mla keno, Pa pükhübe move, momu Khuu no khaghi no ti kughuphe keno, Pa lau jumove.

ISAIAH 29:24

Izüichoi kemi no vethalu nani, eno muchho munu chekemi no akükütsütsa ikhiluve nani.”

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

AMUS 3:12

Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.