ISAIAH 14:27 - Sumi Naga CL (Re-edited) Bible (BSI)

²⁷ Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

BAIBEL (BSI)

²⁷ Aqokitikhi MPEU no hipau shinike kumsupupe ani; ghimeqhi nike pa-u chhope auvae eno khunomu pa lakhave mlake.

ISAIAH 14:27 ပူးပေါင်းရင်းမြစ်များ

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

JOB 11:10

Pa no xuju ighi no khuana akughu shive eno küghaki lo kusü namu khuu no Pa hakha kulupu kea?

JOB 23:13

Ikemu Pa ye kilive mlae, eno khuu no moe piluni kea? Pa no kiu pulo keno ti shicheni.

JOB 40:8

No ye I küghape akumou lo qhini kea? Nono achipiu shiniye akipimi I tsüni keo?

JOB 42:2

“I no ithi anike No ye thokha kümtsü shilu nani, eno kiu nomu O kimji hakhave mlae.

JOB 9:12

Pa no mxape wuve namu khuu no Pa hachilepe, ‘No ye kiu shi ani kea?’ ipi luni kea?

LESHELE 33:11

Ampeuw kichekütsü ye alhokupuju acheni, Pa kukughu ye tiqheli kümtsü lo acheni.

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

AHOLE 21:30

Alokütsü, vethakulu, mijekütsü kiunomu Ampeu theqhimla nani.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

JEREMIYA 44:28

Ikemu nongu gholo kihikulu khami azütakikihi lono pokalu keqo no Egypt lono Judah lo ideighi nani. Tithiu no Judahmi ghükulumi khunoqo Egypt lo xünike ighi keno, tipaqo no I tsa no keo, pano tsa no kuchou keno ithi nani.

JEREMIYA 49:20

Tighenguno Ampeu no Edom lo küamiqo shou kughu püakeu eno Teman lo akemi pesü kiu shiniye kümsüpu ani keno inilo. Pano tianuli kutolo sünhe sawuve nani. Mtsüqheino panongu kümtsü küsakusho lono thüghüive nani.

JEREMIYA 51:59

Judah kükau Zedekiah yepe mpe abidiu lo Mahseiah nu Neriah nu Seraiah no Zedekiah sasü Babylon lo wuke lono, tungkupu Jeremiah no Seraiah azah tsükeu tsa, Seraiah ye akükau kilo kijemi.

EZEKEL 26:14

I no o pesü atuqu lakhi shive tsü nani. No ye akhameqo vesü kepu-a shive nani. No ye khilemu shiqhe puku moae, kughengu Ni ye Ampeu ke; I no piqhivae, ipi Ampeu Alhou no asheshu.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?