ISAIAH 13:13 - Sumi Naga CL (Re-edited) Bible (BSI)

¹³ Aqokitikhi MPEU xukighide tsalani Pa loghu lono atsütsü süküghütha, eno ayeghi kilhe pheve nani.

BAIBEL (BSI)

¹³ Ni AMPEU Akughushuno iloghu piyenike tsalanilo ino kungugha sukughutha nani eno ayeghiye pa-a lono sukini kiqeve nani.”

ISAIAH 13:13 ပူးပေါင်းရင်းမြစ်များ

JOB 9:6

Pa no ayeghi süküghütha kelo atsükuchoqo no ithauve cheni;

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

LESHELE 88:16

O loghu no I vesü ikughivae; Ow aküighüpu huno ghimeqhi keu no I kütsaqhi ke.

ISAIAH 2:19

Ampeu no ayeghi süküthüni ye ighi kelo timiqo no Pa loghu eno Pa kükanguagha zülono posü atuki eno ayeghi alou itshü nani.

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

ISAIAH 23:11

Ampeu no azüghi shou Pa u chhopuwo no kükaqhaqo sükini; Pa no Canaan küakini laghi kütsave tsüniye azah tsüvae.

ISAIAH 24:1

Julo, Ampeu no ayeghi pükhülepe pighive tsü nani, eno ayeghi gi süchighipe tile akemi kuthole nani.

ISAIAH 24:18

Aküighüpu sütsa chilu kehu pove namu aqokutho lo ikiqive nani, khuana no aqokutho lono ipeghilu namu alichhe lono meluve nani. Kughengu atsütsü lashe ye khaqhi püani eno ayeghi boqha huno thüthüshi anie.

ISAIAH 24:19

Ayeghi ye qhoi kubopinyivae, ti ye axe-ala kütüta shi sülave no shishe sükuchoqhi anie.

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

ISAIAH 51:6

Atsütsü küdau jupukulo, eno ayeghi qhou jupiqilo; kughengu atsütsü no amchhi toi hailove; ayeghi no aphimini toi ixüthave nani, eno tile küghüna akemi no tipaphi lono thive nani; ikemu Iw xakulupu ye alholo ache nani, eno Iw achipiu-mikucho ye khilemu hauvemo nani.

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

JEREMIYA 51:1

Ampeu no ishi piani: “Julo, I no ghikiqhiu ghungu xukuthope Babylon ngo Leb-kamaimi shou puku nani,

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.