ISAIAH 12:2 - Sumi Naga CL (Re-edited) Bible (BSI)

² “Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

BAIBEL (BSI)

² Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

ISAIAH 12:2 ပူးပေါင်းရင်းမြစ်များ

SAMUEL AKINIU 7:24

Nono Ow timi Israelmi pesü alholo Ow timi shiniye shosüvae, eno Nono panongu Lhou shivae, O Ampeu.

JOB 13:16

Alhou kümthami ye Pa zülo ighi lumo nanie pikeu no I xakulupue.

LESHELE 112:8

Pa no pa ghümi shou tokulu shikeu ithulu moke kutolo pa ye iqüghai cheni; pa ye msave chemoe.

LESHELE 118:14

Ampeu ye I kumto eno I lekungo ke; Pa ye Iw xakulu shivae.

LESHELE 118:21

Nono I khochile tsüno I xalu kehu I no O shikimthi ani.

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 65:6

Pa küka lono Pa no naghuto ghope qhike, Pa ye akughushu küka xapu ani;

LESHELE 68:20

Ni Lhou ye xakulu Lhou ke, akithi lono xalu chekeu ye Ampeu, Alhou lau ani.

LESHELE 68:21

Ikemu akipimi laghi lo kicheu, Alhou no Pa ghümi boghe lo ghapuku tsü nani.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

ISAIAH 10:24

Tighenguno Alhou, aqokitikhi MPEU no pi ani: “O Zion lo Iw timi akeqo, Egyptmi no shike toi Assyriami no asüthalu eno aqheküsü pesü nongu heqhi kelo msa kevilo.

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 27:5

Tikumo aye panongu pelo Iw sükusho qholo ngolu pelo, iyei, pano pelo I sasü külashi pelo.”

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 38:20

Ampeu no I xalu nani eno ningu no akighilebo pesü ni küxü tivilo Ampeu ki lono ale pheni.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 49:5

Itehi Ampeu khuu no I no atita lo akelono Pa qeu shipeniye I lhoe, I pelo Pa lau Jacob saghipe, eno Israel pelo Pa lau hekütsü peniye shi keno— ni ye Ampeu nhethe lo agigihupu shi ani eno I Lhou no I kumto shive akehu— Pa no piani,

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

ISAIAH 65:18

Ikemu I no lhophetsü keu shou alholo alovi eno alokiqi shilo; kughengu julo, I no Jerusalem lhophe keu ye alokivi shipeniye ke, eno liw timiqo pelo alovi peniye ke.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 3:23

Kuchou no atoghi eno naghuto lo kümlaqo ye pishikiqhi eno aküighüpue. Kuchou no Ampeu ni Lhou lau Israel xakulupu ani.”

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

HABAKUK 3:18

ni ye Ampeu jupe alovi nani; I xakulu Lhou lau I no alovini.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

Piyeküsü 7:10

eno asütsa vekipighi igha, “Xakulupu ye Khuu kükalakhü lo iqa ani keno, Pa eno Ambeti u lo anie!”

SAMUEL ATUGHIU 2:1

Hannah no akighini shino pi, “I mlo no Ampeu lau alovi ani; I kibo no Ampeu sheqhe ani. I kichi no I ghümiqo junu ani, kughengu I no Ow xakulu lo alovi anie.