ISAIAH 10:29 - Sumi Naga CL (Re-edited) Bible (BSI)

²⁹ Panongu ye akhila kathasü ighi no kijiliu ye Geba lo ngoni cheni; Ramah ye khokhoshi ani, Saul ghüna Gibeah ye pokhavae.

BAIBEL (BSI)

²⁹ Panonguye kakuthala kathavae eno puthoye Geba lo zuni cheni! Rama taunlo akemiye thughuyivae eno akukau Saul no achekeu Gibea taunlo akemiye pokhavae.

ISAIAH 10:29 ပူးပေါင်းရင်းမြစ်များ

KUKAMI ATUGHIU 15:23

Akükau Asa kümla kütau, pa kumto kümla eno pa no kiu shi keno kümtsü Judah Kükami Yekikithi Kaku lo yepüani ke kumo keshea? Ikemu pa teasü loye pa pukhu lo aküsü ikughive.

JEREMIYA 31:15

Ampeu no ishi piani: “Ramah lo asütsa chilu, akumlo eno kukhukimji küqa. Rachel no li tianuliqo ghenguno qa ani; alovekughuno tsüni keu milivae, kughengu panongu ye kühavae.”

HOSIYA 10:9

Gibeah ghuloki lono nongu ye axine shivae, O Israel; tilauno nongu ye kibe ighivae. Aghükishi no Gibeah lo achipikumomi haluve moni kea?

HOSIYA 5:8

Gibeah lo akibo küighalo, Ramah lo afuko küighalo. Beth-aven lono kütüghülo; nino o papeni, O Benjamin!

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

JOSHUA 21:17

Tishino Benjamin shiaye saje lono, mishighüna hipaqo ikhiphe tsü, Gibeon, Geba eno tiküma lo atsüni kümtsha-a,

SAMUEL ATUGHIU 10:26

Saul ghi Gibeah lo pa kilo wove, eno timi akumtomi khunoqo mlo Ampeu no butsü keno panoqo no pa gholo wove.

SAMUEL ATUGHIU 11:4

Kughou atsapemi no Gibeah lo Saul lau ighi keno, panongu no timi kümtsü kini lo hipau sütsa pikülha, eno timi kümtsü no aghügha kije lono ighaqae.

SAMUEL ATUGHIU 13:16

Saul ngo pa nu Jonathan eno timi pa gholo akeqo ye Benjamin yeghi Gibeah lo ngove, ikemu Philistiami ye Michmash lo aghazü shiae.

SAMUEL ATUGHIU 13:2

Saul no Israelmi 3,000 kishephe. 2,000 no Michmash eno Bethel ato yeghi lo Saul gholo ngoa, eno 1,000 no Benjamin yeghi Gibeah lo Jonathan gholo ae. Pa no timi kütami kümtsü pütüta kilo puwove.

SAMUEL ATUGHIU 13:23

Philistiami mqo no Michmash katha wuniye ighi.

SAMUEL ATUGHIU 14:2

Saul ye Gibeah lono kushuo kumo lo Migron lo khaghatu tuki lo ngoae. Timi 600 toike pa gholo ae,

SAMUEL ATUGHIU 14:4

Jonathan no kakütha la khipau vechesü Philistiami mqo lo wuniye shikeno tilau ye hula-hila atu nhepho shiae. Anhepho lakhi je no Bozez eno lakhiu je no Seneh.

SAMUEL ATUGHIU 14:5

Anhepho lakhi no ahuu Michmash zülo eno lakhiu no apeu Geba zülo ae.

SAMUEL ATUGHIU 15:34

Tithiu Samuel ye Ramah lo wove eno Saul ghi Gibeah lo pa kilo wove.

SAMUEL ATUGHIU 7:17

Tishino pa no Ramah lo pa kilo idewove che, eno tilau ghi pa no Israelmi shou xathatsü che. Pa no tile Ampeu ghenguno akümlla-khache shiqhe pukue.