ISAIAH 1:9 - Sumi Naga CL (Re-edited) Bible (BSI)

⁹ Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

BAIBEL (BSI)

⁹ AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

ISAIAH 1:9 ပူးပေါင်းရင်းမြစ်များ

BOTHUBO 18:26

Ampeu no pi, “Tsala Sodom lo amikuchomi lhopungu mishighüna lo aghi aye, panoqo ghenguno I no tipa-a kümtsü ghüluve tsüni.”

BOTHUBO 18:32

Tithiu pa no pi, “O, Ampeu no amloide tsü kevilo, ikemu I no itaghi hilikhi pijunie. Tsala chighi tile ithulu aye?” Pa no khochile, “Chighi ghenguno Ni ye ti kütsave monani.”

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

KUKAMI ATUGHIU 19:18

Ikeghi Ni ye Israel lo khuno khonhe no Baal zülo qhoqhünhe mphi eno Baal müma mphi keno, timi 7,000 püxü püanie.”

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

ISAIAH 1:8

Zion nga ye atsailu lo axapiki eno akukali lo apushonha toi, khasüve keu phughi toivae.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 17:6

Israel lo aghibo hami likhive nani, ti ye kughou olive bo lo axathi xoni keno kunguu ake lo kinia küthüa, eno aloka lo bidia pungua likhive ketoi nani, ipi Israel Lhou Ampeu no shuphe ani.

ISAIAH 24:13

Ghilekuhu thiu olivebo momu atsaibo lo amshu akeu xoniye sükiniqhi akeshi ayeghi lo shiye kümtsü lau hitoi shinani.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

ISAIAH 46:3

“O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

ISAIAH 65:8

Ampeu no hitoi pi ani: “Atsaizü kithe no abohu lo akeloye, timiqo no picheni, ‘Hipau kütsa kevilo, kughengu tile kükümgha anike,’ tihutoi, I qemi ghengu likhino Ni ghi kümtsü kütsavemo nani.

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

EZEKEL 14:22

Ikemu julo, tile xülu kemi atianuli saipeghi luni kemi khami anani; kughou panongu no nongu lau ighi kelo nongu no pano küxü eno akümla ithuluni keno, I no Jerusalem shou amhekiqi süghi keu ye kümtsü akivi kepi nongu lopiqilu nani.

EZEKEL 6:8

“Ikemu I no nongu khami püxüpe qhinani. Kughou nongu khami no azütakikihi lono pokalu no shiyeqo dolo eno aghakhuqo lo apanaghaveni keno

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

MATTHEW 7:14

Ikemu kibikhoi keu khagho eno kushokütsü la no aküxüpu lo sawu cheni, eno tipa la phulu kemi ye aghulo likhie.

Rommi 9:27

Isaiah no Israelmi ghenguno ishi sheshu püani: “Israelmi kikihi no azüghi lo asaye jehi aghi namu, ghükulumi aghulo likhi xalu nani,

Rommi 9:29

Eno Isaiah no pichhotsü ketoi, “Aqokitikhi Mpeu no ningu tikughuko qhitsümo keaye, ningu ye Sodom toive aghini che Gomorrah kimihi shiveni cheke.”

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

Piyeküsü 11:8

eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.