IPEKULU 8:22 - Sumi Naga CL (Re-edited) Bible (BSI)

²² Ikemu tipa tsalani, I no Goshen yeghi, khile Iw timi küghüna ani keno, tipa-a ye pakütashi qhive nani, tishianguno amiyi loji ye tilau ighimo nani, ti ye nongu pelo ayeghi kümtsü shou Ampeu ye Ni kepi ithi peniye ke.

BAIBEL (BSI)

²² Ikemu Goshen yeghido khilehi iwu timiqono acheni keno tiye ino tipau kutashi qhipua nanike ikehu tilehiye amiyi kiumu kuha nanike. Ino hipau shini cheni tishianguno ni AMPEU no ayeghi hipaulo akumla shi ani kepi nonguno ithi nanike.

IPEKULU 8:22 ပူးပေါင်းရင်းမြစ်များ

BOTHUBO 46:34

nongu ye ishi pilo, ‘Ningu eno ningu papu, o qemiqo ye ni lhothe lono ishi kutolo atsü-aqu pighi achenie,’ tishi pikeu vecheo nongu ye Goshen yeghi lo küghüna lunani, kughengu Egyptmi ghenguno ambekhemi ye aphikümqhüpu ke.”

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 74:12

Ikemu Alhou I kükau ye abothu lono ke, eno ayeghi lo xakulu süghi tsüe.

IPEKULU 10:23

Panongu ye lakhi no lakhi ithumlave, eno atsala küthü kutolo milakhimu pa-a lono puthugho move, ikemu Israelmi ye panongu no khile akeno tile ye aküvü ae.

IPEKULU 12:13

Nongu no aki khipaqo lo ngo ani keno tile aji nupe püakeu huno nongu ghenguno amchipu ke. Kughou I no aji ithuluni keno, I no heche wuve nani, eno I no Egypt kütsa kelo, kiu püsa mu nongu kütsa nike ikughimo nani.

IPEKULU 19:5

Tighenguno itehi, nongu no mtsüqheino I tsa gholu eno Iw puloshoqhi pape aye, nongu ye ayeghi lo timiqo kümtsü dolo Iw akughupu mheghi shi nani, kughengu ayeghiqha kümtsü Iw ke;

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

IPEKULU 7:17

Ikehu Ampeu no piani, “Hipau vecheo Ni ye Ampeu kepi nono ithi nani: julo, aküsü I u lo akeu pesü I no Nile lo azü akeu lo hesüni, eno tino aji ilhouve nani.

IPEKULU 7:5

Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.”

IPEKULU 8:10

Pa no pi, “Thoghiu.” Moses no khochile, “Nono pi ketoi shini, tishikeu lono o pelo Ampeu ni Lhou toikeu ye khumu kühae pi ithi penie.

IPEKULU 8:21

Tsala nono Iw timiqo puwumo aye, julo, I no amiyi loji o shou, o qemi eno ow timiqo ngo o kibo shou puwu nani. Eno Egyptmi kibo ngo panongu no puthugho akeu yeghi shou amiyi loji no chhitoive nani.

IPEKULU 8:23

Ikehu I no Iw timi ngo ow timi dolo kijethave nani. Thoghiu amchipu hipau shi nani.”’”

IPEKULU 9:26

Goshen yeghi khile Israelmi no akeno, tile likhino mürasü ighimoe.

IPEKULU 9:29

Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani.

IPEKULU 9:4

Ikemu Ampeu no Israelmi tsü-aqu ngo Egyptmi tsü-aqu dolo kiyeqü keu shivetsü nani, tishikeu lono Israelmiw thaqhü ye thimo nani.”’”

IPEKULU 9:6

Tishiwo thoghiu Ampeu no hipau shie. Egyptmi tsü-aqu kümtsü thive, ikemu Israelmi tsü-aqu ye lakhimu thimoe.

EZEKEL 30:19

I no ishi Egypt shou küghathabe nani, tileno panongu no Ni ye Ampeu kepi ithi nani.”

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.