IPEKULU 34:18 - Sumi Naga CL (Re-edited) Bible (BSI)

¹⁸ “Nongu ye Kholaqhi sümokeu Sho Ghulhu pinilo. I no azah nongu tsüve ketoi nongu ye kihitha püakeu tüqhüdo Abib qhilo atsala tsüni kholaqhi sümo keu sho chuni, kughengu nongu ye Abib qhi lono Egypt lono ipeghi ke.

BAIBEL (BSI)

¹⁸ “Kholaqhi sumokeu ghulhu pinyi chekeu pechelo. Ino ahza nongu tsuvekeu toi, Abib qhilo atsala tsuni ghenguno kholaqhi sumokeu sho chulo kughengu tipau qhi lono nonguno Ijip lono ipeghike.

IPEKULU 34:18 ပူးပေါင်းရင်းမြစ်များ

IPEKULU 12:2

“Hipa qhi no nongu ghenguno aqhi bothu shi nani. Nongu ghenguno hi no ampe lo aqhi atüghüu shi nani.

IPEKULU 12:42

Hi ye Ampeu no Egypt yeghi lono panoqo saipeghi niye khekuto keu ji ke; titoi Israelmi kümtsü no ighini keu tiqheli kutolo Ampeu gihu nike hipa jilo khekuto amasa keu shie.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:4

Ishi, Abib qhi lono nongu ye ipe chenie.

IPEKULU 23:14

“Ampe lo ghuthu küthü nongu ye I lau aghulhu shini.

IPEKULU 23:15

Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

ACHINE 23:6

Atsala chighiapunguu lono Kholaqhi sümokeu Sho Tiqhetini ikhiluni eno atsala tsüni kutolo nongu ye kholaqhi sümokeu sho chuni.

AKIKIHI 28:16

Aqhi atüghüu lo atsala chighiabidiu no AMPEUw Hechekulu pine,

AKIKIHI 28:17

eno chighiapunguu no aghulhu tsala ke. Kholaqhi sümokeu sho atsala tsüni chuni.

Mark 14:1

Hechekulu eno Kholaqhi Sümokeu Sho Ghulhu züu atsala kini akelo, achinetomi ngo Ayezah shikükami no kishino mqüijoi shi Jisü küghape pithiveni keno kuchughua.

Luke 22:1

Kholaqhi sümokeu Sho Ghulhu, ti ye Hechekulu ipi chekeu, kupunuve.

Apostolmi 12:3

Hi no Jewmi lopu shikeu pa no ithulu no Peter ghi küghaluve nike phuwu. Hi ye Kholaqhi sümokeu Sho pine ghuloki lonoe.