IPEKULU 34:15 - Sumi Naga CL (Re-edited) Bible (BSI)

¹⁵ nongu no tishimo aye ayeghi tipau lo küghüna akeqo sasü puloshoqhi shive nosa, eno kughou panongu no pano lhou sasü kütüqha, eno pano lhouqo lau aghashi no nongu kusüni keno, nongu ye pano ghakishi lo chuve nosa,

BAIBEL (BSI)

¹⁵ Aghakhulo timiqo sasu alashikeu shoqhi shi kevilo kughengu kughou panoqono kichile lhouqo mlla eno tipaqo lau aghashini keno panonguno panoqo gholo supeniye nongu kusu nani eno nongu pelo pano lhouqo lau mllavekeu chuqupu chupenike nongu ghukeluve nani.

IPEKULU 34:15 ပူးပေါင်းရင်းမြစ်များ

YEKIKITHI ATUGHIU 5:25

Ikemu panoqo ye pano puasü Lhou lau aküpülü achekeu kubove, eno Alhou no pano züuno kütsave keu inaghami lhouqo papewu khave.

EZRA 6:9

Eno kungugha Lhou lau akipti kümllagho ghenguno kiu kiumu avehupu shikeu—amshitsü, anetsü momu ambe, ashothi, amti, atsaizü, momu thazü, Jerusalem lo achinemi no avehupu shi aketoi—tipaqo ye tsalakipetsü vezü mono panoqo tsülo,

EZRA 9:12

Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’

LESHELE 106:28

Tithiu panongu no Peor lo Baal sasü kuokhasü lakhi shive, eno kithimi lau aghakishi mllave keu chusho;

LESHELE 73:27

Kughengu O launo putosü lo akemi ye pühave nani; O pükhü kümlami kümtsü Nono kishekhave tsü nani.

IPEKULU 22:19

“Khukhumu lhoxü sasü küghüpa keu ye pithiveni.

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

IPEKULU 23:32

Nongu ye panongu eno pano lhouqo sasü puloshoqhi shimoni.

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

IPEKULU 34:10

Ampeu no pi, “Julo, I no puloshoqhi lakhi shi ani. Ayeghiqha kümtsü lo momu khuno shiye laumu shimo keu I no akümzapu ow timi kümtsü zülo shinie. Eno timi kümtsü no Ampeu kümla ithulu nani, kughengu I no akümzapu thime nongu gholo mla nani.

IPEKULU 34:12

Jukuto lo, tikumo aye nongu no khilehi wuniye shi ani keno tipau yeghi lo küxümi sasü puloshoqhi shilu nosake, tishive aye tipau no nongu dolo kitime kepu lichhe shive nani.

JEREMIYA 3:9

Kughengu kütüqha keu ye mthüthei ikhilue, li no ayeghi shipixive, asüatu sasü salhauve.

HOSIYA 4:12

Iw timiqo no asü tachu launo kighinikile jucheni, eno panongu qheküsü no tungkuptsa pitsü cheni. Kughengu asalha ghawu no panongu saküghüzüve ake, eno panongu ye kütüqha aniye pano Lhou phevae.

HOSIYA 9:1

Alovi kevilo, O Israel! Ashiayeqo toi ahulü akevilo; kughengu nongu ye no Lhou pheve no kütüqhauvae, nongu ye aniqa kümtsü lo asalha jume kimiye cheni.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

AKIKIHI 15:39

Ti no nongu pelo Ampeu zakütsü kümtsü kümsüchile luno pelupe nani, tishikeu lono nongu ye I launo tsüghüsü wuve no kütüqhami shiuve monani.

AKIKIHI 25:1

Israelmi no Shittim lo aghazü shipe akelo, panongu ye Moablimi sasü xüpimiuve.

AKIKIHI 25:2

Totimi hipaqo no pano lhouqo mlla cheke-a lo Israelmi kusü no kümtsa kuchu-kusho shi eno pano lhouqo mllauve.

Apostolmi 15:20

Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

1 Kor. 10:27

Pülümokemi lakhino aghulhu lo o kusü kelo nono wukepu shive aye, kiviküsa lotsü ghüza monike o zülo kiu qhitsü keno kiumu iniju kevino chulo.

1 Kor. 8:10

Kughengu no akighithiu no ajulho kümlla chineki lo chuake lono khuana miqemlei kemi no ithuluve aye, pa ghi ajulho mllakeu chuqupu chunike amlo mtove nanike kumo?

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

1 Kor. 8:7

Tishimu, kümtsü no hipau kighithi kühae. Ikemu khami ye inahuu ajulho sasü kütshükime chekeu lono ajulho mllakeu chuqupu chuve no panow kiviküsa lotsü miqemleipe kitiqeve cheni.

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 31:18

Ikemu tipa ghuloki lo I no panoqo launo I gi küsüve nani, kughengu panongu no alhoksa kümtsü shino kütau lhouqo mllauve ke.

ZAKINIU 32:37

Tileno Pa no pi nani, ‘Pano no ijelu chekeu tuqu, pano lhouqo ye khilave akea?

ZAKINIU 32:38

aghakishi lo atha chuvetsü chekeu eno atsaizü kümllagho shovetsü chekeu khile ani kea? Tipaqo pelo ighi no nongu kuphu pelo; eno nongu sükushou shipelo!

ZAKINIU 7:2

eno kughou Ampeu nongu Lhou no tipaqo nongu u lo süve tsüno nongu no tipaqo leluveni keno, nongu ye kümtsü kütsave masae. Nongu ye pano sasü puloshoqhi shimoni eno kimiyekini piye moni.

ZAKINIU 7:3

Panongu sasü külakupu shimoni; nonga pesü pano nuli tsümoni eno pano nga sawo no nuli tsümoni,

JOSHUA 23:12

Tsala nongu no idewove no hi ghüluve kemi shiye nongu dolo küghüna akeqo sasü kütshükungo luve, pano sasü külakupu shikileve, eno tishikeu lono nongu ngo panongu kitekungo xüuve aye,

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

XAKUTHAMI 2:17

Ikeghi panongu no xaküthami tsa initsü moe kughengu panongu no alhou kütauqo sasü kütüqha eno tipaqo mlla ke. Pano puasüqo no Ampeu zakütsü gholu ghi cheche keu laghi lo panongu ye püla move.

XAKUTHAMI 3:6

Panongu no pütüta ngaqo sasü külauve, panongu ngaqo pelo pano puqo sasü külape, eno tipaqo lhouqo mllauve.