IPEKULU 33:19 - Sumi Naga CL (Re-edited) Bible (BSI)

¹⁹ Eno Pa no pi, “I no Iw akivi kümtsü pesü o zülono wupeni eno o zülono I je ‘Ampeu’ ipi sheshuni. I no khuu küpüqhiyini keno pa küpüqhiyi nani, eno khuu kimiyeqhiyini keno pa kimiyeqhiyi nani.

BAIBEL (BSI)

¹⁹ AMPEU no ishi khochile, “Ino ikuvu qhivutsuni keu kumtsu ozulono hechesu wuni eno onhekithe lono ikimthe je pipheni cheni. Niye Ino kisheluve kemi shou kimiye kupuqhiyi pephe piye chenikeu AMPEU ke.

IPEKULU 33:19 ပူးပေါင်းရင်းမြစ်များ

NEHEMIA 9:25

Panongu no aliwo kuptu phughiqo, aghüma yeghi, thime kivi akeu kiqo, azükikhe chhu püakeu, atsailu, olive ghutu, axathibo kupukuno shi akeqo kümtsü hakholu. Panongu no aghapiqi chu no O kivi lo alopiqilu.

LESHELE 25:13

Pa ngulho ye akivishi anani, eno pa tikughukomi no amheghi shi ayeghi ighilu nani.

LESHELE 65:4

O kungo-a lo ngo penike Nono khuu kishelu eno kupunu saghini keno pano lokivipue! O kilo akivi eno O chineki lo akimthe ghenguno ningu ye aghaqilu nani!

ISAIAH 12:4

eno tipa tsala lo ishi pi nani: “Ampeu shikimthi tsülo, Pa je kulo, ashiayeqo vilo Pa kümla lhepiyelo, Pa ye sheqheküzü kepi shuphelo.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JEREMIYA 31:14

I no pofushi achinemi ghapiqitsü nani, eno Iw timiqo no I kivi ghenguno aghakiqi shinani, ipi Ampeu no sheshu.”

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

ZAKINIU 32:3

Kughengu I no Ampeu je sheqheni; Ni Lhou kughushu pinie!