IPEKULU 32:2 - Sumi Naga CL (Re-edited) Bible (BSI)

² Ikehu Aaron no panoqo vilo pi, “Nongu nipu, apu-angaqo kini lono ameshoyi nguthi xajope I lau süghilo.”

BAIBEL (BSI)

² Aron no panoqo vilo pi, “Nongu nipu ngo anuli anga qono akini lo shunayi kighi akeu lekholuvelo eno ilau sughilo.”

IPEKULU 32:2 ပူးပေါင်းရင်းမြစ်များ

BOTHUBO 24:22

Kughou sayeshiqo no azü yeluve keno, timi huno ameshoyi nguthi lakhi gram pungu, eno ameshoyi aumlo kükha kini gram 100 kimshi ikhiphe,

BOTHUBO 24:47

Tishino I no li vilo iniju, ‘No ye khuno nga kea?’ Li no pi, ‘Nahor nipu Milcah no punu keu Bethuel nonga ke.’ Ikehu I no anigikighi li nigi lo sütsü eno asapu li u mlo lo pipeve.

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 32:3

Ikehu kümtsü no panongu kini lo ameshoyi nguthi akeqo pesü Aaron lau ighi.

IPEKULU 35:22

Ikehu kiptimi ghi totimi ghi ighie. Khunoqo no pulopinyi keu mlo xapu akeno panongu kümtsü no jidapu chekeu, akinikighi, jedapu nguthi, eno aumlo kükha, ameshoyi nhemgha qhoi pesü akümllagho shi Ampeu lau ikhiphe tsüve.

AHOLE 25:12

Pujushijuve kemi kükütsütsa no ini nishi akemi kini lo ilolu keu ye ameshoyi nguthi momu achila toike.

ISAIAH 3:19

akini kighi, aküsa, akuo küzüphi;

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

EZEKEL 16:17

Iw ameshoyi ngo ghükayi no mlakeu o chila kivi, khikhi I no o tsü keno tipau ghi nono ikhipe o ghenguno timi julhoqo mla, eno tipaqo sasü kütüqha ke.

HOSIYA 2:8

Athi, aji eno thazü ngo Baal mlla chekeu ghükayi eno ameshoyi pesü li pipe keu ye I no kepi li ye mthae.