IPEKULU 31:15 - Sumi Naga CL (Re-edited) Bible (BSI)

¹⁵ Atsala tsügho no akümla shini, ikemu atsala akütsüniu ye Sabbath, akulho kiqhi Ampeu lau akimthe tsala ke.

BAIBEL (BSI)

¹⁵ Nonguno akumla shikepu shi atsala tsugho anike ikemu akutsuniuye akulho qhinike ghenguno iquighai keu tsala ilau ikhipheve tsukeuke. Khuuno tipa tsalani akumla shinikeno pithive masa.

IPEKULU 31:15 ပူးပေါင်းရင်းမြစ်များ

BOTHUBO 2:2

Eno atsala akütsüniu loye Alhou no kiu mla akeno qhoi mlaqhive, eno Pa no atsala akütsüniu loye Pa kümla lono akulhoqhive.

IPEKULU 16:23

pa no panoqo vilo pi, “Ampeu no azah tsükeu ye hike: ‘Thoghiu ye tsaqüi akulho qhikeu tsala, Ampeu lau akimthe shi ikhiphe tsükeu Sabbath ke; kiu ghukepu keno ghuve eno kiu bekepu keno bevelo, achili kiu aghini keno inaqhe sala qhivelo.’”

IPEKULU 16:26

Atsala tsügho nongu no ti kiche kumqolo, ikemu atsala akütsüniu ye Sabbath ke, tipani ye kiumu küha nanie.”

IPEKULU 23:12

“Atsala tsügho dolo nono o kümla shini, ikemu atsala akütsüniu loye akulhoqhi lo; tishianguno o mishitsü ngo ow khurha no akulho qhilu peni, eno o qemi totimi nuli ngo shoinami pelo aghüthi püxü kithelu penie.

IPEKULU 31:14

Nongu ye Sabbath ikhilu lo, kughengu ti ye nongu ghenguno akimthe ke. Khukhumu ti shikitiqeve keu ye pithiveni. Khukhumu tipani no mlakeu ye paw timiqo gholono hapheveni.

IPEKULU 31:16

Tighenguno Israelmi kümtsü no Sabbath ikhiluni, alholo puloshoqhi shi tiqheli kupuju lo Sabbath ikhiluni.

IPEKULU 31:17

Hi ye Ni eno Israelmi dolo alholo amchipu ake, kughengu atsala tsügho lono Ampeu no atsütsü ngo ayeghi lhoke, eno atsala akütsüniu lo Pa no akulhoqhi eno aghüthi püxü kithelu ke.’”

IPEKULU 34:21

“Atsala tsügho nongu no mlalo, ikemu atsala akütsüniu ye ghisho momu ghile dolo shi aghi namu nongu ye akulho qhini.

IPEKULU 35:2

Akümla ye atsala tsügho dolono mlani, ikemu atsala akütsüniu lo nongu ye iqüghai akulhoqhi keu Sabbath, Ampeu lau akimthe shini. Khukhumu tipau tsala lo kiukiu kümla mu shi aye pithiveni.

IPEKULU 35:3

Nongu ye Sabbath tsalani nongu kilo ami shimoni.”

EZEKEL 46:1

“Ampeu Alhou no ishi piani: Akikhala alou khagho kipelau akeu ye atsala tsügho khape qhini, ikemu Sabbath tsalani ye khaqhini, eno aqhi akithe ipeghike tsalani ti ye khaqhini.

ACHINE 16:29

“Hi ye alholo nongu ghenguno pimheye shini: Aqhi akütsüniu, atsala achighiu lo Israelmi eno no gholo inaghami akemi ye akümla kiumu shimo no kümvüni.

ACHINE 23:3

“Atsala tsügho dolono akümla shini, ikemu atsala akütsüniu ye Sabbath kulhokiqhi hoho tsalae. Nongu ye akümla shimoni, Nongu no khile khile xünamu hi ye Ampeuw Sabbath ke.

ACHINE 23:32

Aqhi lo atsala atokuu khetsünhe ilove kethiu no huthusü thoghiu avela kutolo nongu ye Sabbath ikhiluni. Hi ye akimchi Sabbath kulhokiqhi shini eno nongu ye kümvüni.”

Luke 13:14

Ikemu Jisü no Sabbath lono shipivie pikeu huno sinagog yepeu gha shikighidepe timiqo vilo pa no pi, “Akümla shikepu aghi keu ye atsala tsügho dolono mla cheni. Sabbath tsala lou no kumono tipaqo tsala lou no ighi no shipivi lulo.”

Luke 23:56

Tithiu panongu no idewo axokütsüngü eno shikipivi tsüni kutope qhive. Azakütsü kiqi lono panongu no Sabbath loye akulhoqhive.

ZAKINIU 5:12

“‘Ampeu nongu Lhou no azah tsüke toi Sabbath tsala akimthe shi pelu lo.

IBRIMI 4:9

Tighenguno, Alhouw timiqo ghenguno Sabbath kulhokiqhi ye aphike,