IPEKULU 3:9 - Sumi Naga CL (Re-edited) Bible (BSI)

⁹ Ikehu itehi julo, Israelmi ghügha I lau ighivae, eno aghime khipau pesü Egyptmi no panoqo qaqhi ani keno tighi I no ithuluvae.

BAIBEL (BSI)

⁹ Niye kuchono iwu timiqo ghugha chiluvae eno Ijipmino kishi panoqo shikighimeqhi acheni keno ithuluvae.

IPEKULU 3:9 ပူးပေါင်းရင်းမြစ်များ

BOTHUBO 16:11

Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.

BOTHUBO 31:12

Pa no pi, ‘O nhethi tsüpukupe julo, anetsü ipa akeu neqo ye kümtsü yetamüghüi, asüphakive eno aye vepu keqoe, kughengu Laban no o lau shi akeu kümtsü I no ithuluvae.

KUKAMI AKINIU 13:4

Tile Jehoahaz no Ampeu vilo inikhu, eno Ampeu no Syria kükau no kishi Israelmi shikimighi ani keno ithulu no pa kighini chilutsü.

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

NEHEMIA 9:9

“Nono ni puasüqo no Egypt lo kishi aghime shi keno ithulu eno Akuhu Züghi lo panongu no ighamku keu chilu tsüe,

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 9:14

tishianguno I no Ow shekiqhe kümtsü kümsü luni, Zion limi khagho lono I no Ow xakulu lono alovini.

IPEKULU 1:11

Tighenguno panongu no amakho kimshi pesü panoqo ghimeni ke aqemi hekiqhimi panoqo shou qhive. Panongu no Pharaoh ghenguno pekükütsü mishighüna, Pithom ngo Raamses shiqhe pukue.

IPEKULU 1:22

Tithiu Pharaoh no paw timi kümtsü lau azah tsü, “Hebrewmi lau anu kiptimi punu keqo kümtsü nongu no Nile lo vesüve lo, ikemu anga totimi ye kümtsü püxülo.”

IPEKULU 1:8

Akükau kithe lakhi, khuu Joseph mtha keno, pa no Egypt shou ayepe luve.

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

IPEKULU 2:25

Alhou no Israelmi ithulu—eno Alhou no ithive.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

AMUS 4:1

“Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

ZAKINIU 26:7

Tileno nino Ampeu ni puasü Lhou lau ighamku eno Pa no ni sütsa chilu tsüno ni ghime, aka-agha, eno qhaküsü ithulu tsüe.

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”