IPEKULU 3:20 - Sumi Naga CL (Re-edited) Bible (BSI)

²⁰ Ikehu I no I u sükho no akümzapu kümla kümtsü shipe Egypt ghadaqhi nani; tithiu no pa no nongu puwu nani.

BAIBEL (BSI)

²⁰ Ikemu ino ikuka peitha nani eno akuighupu jeli tilau shikeu lono ino Ijip ghimeqhi nanike. Tishike thiuno pano nongu pelo wulupe nani.

IPEKULU 3:20 ပူးပေါင်းရင်းမြစ်များ

BOTHUBO 15:14

Ikemu panongu no qeche keu shiye shou I no küghakütha süghi nani, eno tithiuno panongu no küakini kutomo pesü ipeghive nani.

NEHEMIA 9:10

Pharaoh ngo pa qemi kümsü eno paw timi kümtsü shou amchipu ngo akümzapu kümla mlae, kughengu panongu no ni puasüqo shou qheza keu Nono ithi ae. Tilauno Nono O je shikeu ishi kutolo anie.

LESHELE 105:27

Pama no panoqo lau Paw amchipu pephe piye eno Ham yeghi lo akümzapuqo mlae.

LESHELE 105:38

Kughou panongu no wuve keno Egyptmi no alovi, kughengu akümsa no panoqo shou ikughive ke.

LESHELE 106:22

Ham yeghi lo akichiqhipu kümla shi eno Akuhu Züghi lo akümzapu kümlaqo mla keno Pa kümsümave ke.

IPEKULU 11:1

Ampeu no Moses vilo pi, “Itaghi püsa lakhi I no Pharaoh eno Egypt shou süghini. Tithiuno pa no o pelo hileno wuvepe nani. Kughou pa no nongu puwuni keno, pa no nongu qhoi haphe nani.

IPEKULU 12:39

Asho kunuve keu panongu no Egypt yeghi lono peighi keu pesü kholaqhi sümokeu shopa mla, tipaqo ye kholaqhi sümoe, kughengu panongu ye Egypt lono mighimghai ipeve eno ngolu kepu shimo kehu, pano sala achuqupu kuto mlave.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

IPEKULU 15:6

O Ampeu, O u ajeu küka jekipipu, O Ampeu, O u ajeu huno aghümi kütsa cheni.

IPEKULU 4:21

Ampeu no Moses vilo pi, “Kughou nono Egypt lo idewo keno, amchipu kümla I no o u lo sütsü keu kümtsü Pharaoh zülo shikepu shi jukuto lo. Ikemu I no pa mlo shikümka tsü nani, tishikeu lono pa no timiqo puwumo nani.

IPEKULU 6:1

Ikemu Ampeu no Moses vilo pi, “Itehi I no Pharaoh lau kiu shiniye ani keno nono ithulu nani; kughengu au kumto vecheo pa no panoqo puwuve nani, eno au kumto vecheo pa yeghi lono panoqo hapheve nani.”

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 9:15

Kughengu itehi I no I u peqheno püsa pesü no eno ow timiqo heke aye, nongu ye ayeghi hipau lono kühave aghini cheke.

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

EZEKEL 20:33

“I no xüake toi, Ampeu Alhou no asheshu, mtsüqheino au kumto eno au xachhope aloghu lephe keu lono I no nongu shou akükau shi nani.

MICAH 7:15

Nongu no Egypt yeghi lono ipeghike tsala lo toi, I no akümzapu thimeqo panongu piye nani.

Apostolmi 7:36

Timi hipau no Egypt lono timiqo saipe, eno Egypt lo, Akuhu Züghi lo, eno asayeqha lo ampe lhobidi piqi akümzapu eno amchipu mlae.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 6:22

Ampeu no ni nhethe lono Egypt lo Pharaoh ngo paw yepemi shou amchipu ngo akümzapu kümla kije ngo aküighüpu pephe.

XAKUTHAMI 6:8

Ampeu no tungkupu lakhi panongu lau puwu. Tungkupu huno pi, “Ampeu Israel Lhou no ishi piani: I no Egypt lono nongu saipeghi eno aqüaxe lono nongu kuqhophe ke.

XAKUTHAMI 8:16

Tishino pa no asayeli lo sahu ngo ayemhi pesü Succoth sakiphemi eno timiqo ghime.