IPEKULU 3:15 - Sumi Naga CL (Re-edited) Bible (BSI)

¹⁵ Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

BAIBEL (BSI)

¹⁵ Israilmiqo vilo panoqo pu asu Lhou ni AMPEU, Abraham, Isak eno Jakob Lhou no panoqo lau opuwu kepi pilo: Alhokupujulo ijeye hipauke, ighinikeu tiqhelimi kumtsuno hipau je pesu iku nani.

IPEKULU 3:15 ပူးပေါင်းရင်းမြစ်များ

BOTHUBO 24:12

Eno pa no pi, “O Ampeu, I mpeu Abraham Lhou, kimiyeno ishi tokulu I tsülo eno iqemokeu kikimiye I mpeu Abraham lau piye tsülo.

YEKIKITHI ATUGHIU 16:16

Abraham sasü puloshoqhi shikeu, Isaac lau pikiqhi shoqhi shikeu,

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

YEKIKITHI AKINIU 28:9

Ikemu Ampeuw tungkupmi lakhi Oded ipikeu no Samaria lo Israel ghüshimi idewo chekeqo vilo pi, “Julo, Ampeu nongu puasü Lhou no Judah lau amlo ideve no nongu pelo panoqo leluvepe, ikemu nongu no axukighide lono panongu ghiqhive keu no iku atsütsü tovae.

LESHELE 102:12

Ikemu O Ampeu, No ye alhokupuju kükalakhü lo iqa ani; tiqheli kümtsü lo No ye kümsülu acheni.

LESHELE 102:13

Nono ithughi no Zion kimiye nani; hi ye li shou kimiye kepu tüqhüdo ke; kihitha püakeu tüqhüdo ye hike.

LESHELE 135:13

O Ampeu, O je ye alhokupuju acheni, O Ampeu, O juaje ye tiqheli kümtsü lo ache nani.

LESHELE 30:4

O nongu Pa küpülümi, Ampeu lau shekiqhe le phelo, eno shikimthi keu pesü Pa je kimthe tsülo.

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

LESHELE 68:5

Mighimi papu eno chimemi sükushou ye Alhou, Pa kimthe kungo-a lo ani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

IPEKULU 15:3

Ampeu ye aghükishimi ke; Pa je ye Ampeu ke.

IPEKULU 3:13

Tile Moses no Alhou vilo pi, “Tsala I no Israelmi lau ighi no panoqo vilo, ‘Nongu papu Lhou no nongu lau I puwu ani,’ ipi aye, eno panongu no I vilo, ‘Pa je ye khuu kea?’ ipi ighiju aye, ni ye panoqo vilo kiu pini kea?”

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 4:1

Tile Moses no khochile, “Ikemu julo, panongu ye I pülümo nani momu I tsa ini tsümo nani, kughengu panongu no pi nani, ‘Ampeu ye o lau ipeghi püamoe.’”

IPEKULU 4:5

“tishianguno panongu no Ampeu, pano puasü Lhou, Abraham Lhou, Isaac Lhou, eno Jacob Lhou no o lau ipeghi kepi pülü nani.”

IPEKULU 6:2

Alhou no Moses pütsa no pi, “Ni ye Ampeu ke.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 33:2

Ampeu khuu ayeghi lho keno, khuu no tipau kughulho pe kogheküghü shi keno, Pa je ye Ampeu ke, Pa no ishi piani:

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

HOSIYA 12:5

Ampeu, aqokitikhi Lhou, pülhapuju kümsümamo keu je:

HOSIYA 12:6

“Ikehu no ye o Lhou kukuphu vecheo ideighilo, iqemokeu kikimiye eno kuchou xakütha mtotoi tsüqülo, eno tamono o Lhou khealo.”

ACHINE 24:11

Timi huno Alhou Je pipütha no ghushove kehu panongu no Moses lau saghi. Pa za ye Dan shiaye lo Dibri nonga Shelomith.

MICAH 4:5

Kughengu ashiaye kümtsü no pütüta lhou je lono cheche nani, ikemu ningu ye ni Lhou Ampeu je lono pülhapuju eno alholo cheche nani.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

Apostolmi 7:32

‘Ni ye o puasü Abraham, Isaac, eno Jacob Lhou ke.’ Moses ye khokhoshi junike ighüve.

ZAKINIU 1:11

Ampeu no puasü Lhou no Pa no piqhike toi ghuthu qhethonhe kutolo alau nongu kighishetsü eno kümghatsü peniu!

ZAKINIU 1:35

‘Hi alhoksa tiqhelimi lakhimu I no nongu puasü tsünie pi tushoqhi keu yeghi kivi ithumla nani,

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 13:8

Jisü Khristo ye ighi, ishi eno alholo aphiphie.