IPEKULU 29:46 - Sumi Naga CL (Re-edited) Bible (BSI)

⁴⁶ Eno panongu no Ni ye Ampeu panongu Lhou, khuu Egypt yeghi lono panongu saipeghi keno, Pa kepi ithi nani, tishianguno I no panoqo gholo anani. Ni ye Ampeu panongu Lhou ke.

BAIBEL (BSI)

⁴⁶ Niye panoqo Lhou AMPEU, Ijip lono panoqo saipeghi keu kepi panonguno ithi nani ikehu niye panoqo gholo ache kepu shilu nani. Niye panoqo Lhou AMPEU ke.

IPEKULU 29:46 ပူးပေါင်းရင်းမြစ်များ

YEKIKITHI AKINIU 6:18

“Ikemu Alhou ye kuchou no ayeghi lo xünani keshea? Julo, kungugha eno kungugha akiqheu thotsü O qhilu kepu-a ililai moe, tishiaye kishino I no aki hipau shipüa keu no ililai luni kea?

LESHELE 114:2

Judah no Pa kimthe-a shive, Israel no Pa yekipeqha shive.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 25:8

Panongu no I ghenguno akimthe-a mlani, tishianguno I no panoqo gholo ngoni.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

EZEKEL 20:5

eno pilo, Ampeu Alhou no ishi piani: I no Israel kishelu ke tsalani, Egypt yeghi lono I no panoqo lau pephe piye no ithilupe eno I no Jacob kibolomi tikughukoqo vilo pi; I no panoqo lau tushoqhi no pi, Ni ye Ampeu nongu Lhou ke.

EZEKEL 34:24

Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.

ACHINE 11:44

Ni ye Ampeu nongu Lhou ke. Tighenguno nongu kishekimthe pe akimthe shilo, kughengu Ni ye akimthe ke. Ayeghi lo itikiche eno lülüshi keu lhoxü jeli pesü nongu ampi shikuchhube moni.

ACHINE 18:30

Tighenguno I no azah tsükeu gholulo eno nongu züu timi khunono aghakhu lo ache keno tipaqow aphikümqhüpu ghushoghili pape kevilo, eno tikithipu shikeu lono nongu ampi shikitiqe kevilo; Ni ye nongu Lhou Ampeu ke.”

ACHINE 19:2

“Israelmi qoaho vilo pilo, Akimthe shilo, kughengu Ni Ampeu, nongu Lhou ye akimthe ke.

ACHINE 26:11

I no nongu gholo I kimthe phiki shino ngo nani, Ni ye nongu milive mo nani.

ACHINE 26:12

I no nongu gholo anani eno nongu Lhou shinani, nongu no Iw timi shinani.

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

SAMUEL ATUGHIU 10:18

Pa no Israelmi vilo pi, “Ampeu, Israel Lhou no ishi piani, ‘I no Egypt lono Israelmi saipeghi, Egyptmi eno kükaqha nongu kijipüsa chekemi u lono I no nongu sülekholu.’