IPEKULU 24:10 - Sumi Naga CL (Re-edited) Bible (BSI)

¹⁰ eno panongu no Israel Lhou ithulu. Pa pukhu philo sapphire tu qha püake toi, tsüghükhüi keu no atsütsü hutoie.

BAIBEL (BSI)

¹⁰ eno panonguno Israil Lhou ithulu,

IPEKULU 24:10 ပူးပေါင်းရင်းမြစ်များ

BOTHUBO 32:30

Ikehu Jacob no tipa-a pesü Peniel kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.”

BOTHUBO 32:31

Pa no pa yiku ghenguno khül khül shi Penuel qhive no wuche kelo khetsünhe ye pa shou ikughive.

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

YEKIKITHI AKINIU 6:17

Tighenguno itehi, O Israel Lhou, Nono O qeu I pu David vilo pikeu tsa achipika tsülo.

IPEKULU 24:11

Pa ye Israelmi atomi shou Pa u chhomoe; panongu no Alhou ithulu eno chushoe.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 33:20

Ikemu no ye I gi ithulumo nani, kughengu timi ye Ni ithulu kelo xümo nani.”

IPEKULU 33:23

Tishino I no I u ikhiluve no nono I zübo ithulu nani ikemu I gi ye ithumla nani.”

ALE KIMCHI 5:14

Pa u mlo ye ameshoyi chopumloi keu lo akughupu tu dapüa keshie. Pa phimpi no akühahu lo atsülatu dapüa keshie.

ALE KIMCHI 6:10

Khuu no tsükutho tsütsü toi jupiqi, aqhi toi juvi, khetsünhe toi vüqai, ghüshimi no michiphi peche ketoi ani kea?

AKUMLO 4:7

Liw kükapumiqo ye mürasü nguno tsüghükhüi, akichhizü nguno akimiyeue; pano phiau ye azükhenu ghitu nguno hughüi, pano kogheküghü jukivi ye amekusho tu toike.

EZEKEL 1:1

Atsala apunguu, aqhi abidiu, ampe chighiaküthüu lo, ni ye Khebar züla lo haphe sawuve kemi gholo ae, tile kungugha kokiyeve eno I no Alhouw kungunhetsü ithulu.

EZEKEL 10:1

Tithiu I no jukelo cherubim kütsüqa shou aliho akeu lo thime lakhi sapphire toikeu ipeghi, kükalakhü lakhi jukimihi shi ipeghi.

DANIEL 10:17

I mpeu qeu ye kishi I mpeu pütsani kea? Kughengu itehi I lolo aküka kühavae, eno I lolo atuthu kühavae.”

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 14:9

Jisü no pa vilo pi, “Philip, ni ye nongu sasü hitotohi ighive apüzü no ye itehi kutolo ni mtha keshea? Khunono ni ithuluve akeno pa ye Apu ithuluvae. Tishiaye no ye kishino, ‘Apu ningu piyelo’ ipi ani kea?

John 6:46

Tipau kiqi ye khuu no Alhou launo ighi keno, pa likhino Apu ithuluve ake thono kümtsü noke kumoe.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

1 John 4:12

Timi khunomu Alhou ithulu mphi; ikemu ningu no lakhino lakhi kimiye kile aye, Alhou ye ningu lolo ani eno Paw kikimiye no ni lolo kupukülailu ani.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 21:11

ti ye Alhou juküvü no chhitoi, akughupu tu toi yebide, eno jaspertu toi tsüghükhüi ke.

Piyeküsü 4:3

Khuu no tile iqa akeno Pa gi ye amekusho tu jasper eno carnelian toi, eno kükalakhü vehomxa pe akeu milisü huno emerald jukimihi shiae.