IPEKULU 23:33 - Sumi Naga CL (Re-edited) Bible (BSI)

³³ Panongu ye no ghakhu lo küghüna moni, tikumo aye panongu no nongu pelo I shou axine shipe nani; kughengu nongu no pano lhouqo mlla aye, tino nongu ghenguno alichhe shive nani.”

BAIBEL (BSI)

³³ Timi tipaqo pelo noghakhulo kughunauve pekevilo. Nonguno tishi aye panoqono nongu pelo ishou axine shipe nani. Nonguno pano lhouqo mlla aye nongu ghenguno tile alichhe lhoksa shive nanike.”

IPEKULU 23:33 ပူးပေါင်းရင်းမြစ်များ

KUKAMI ATUGHIU 14:16

Jeroboam xine huno Israelmi pelo axine shivepe kehu Pa no Israel qhive nani.”

YEKIKITHI AKINIU 33:9

Ikemu Israelmi zülono Ampeu no shiye kütsave keqo no shiche keu nguno aküsau Manasseh no panongu sawo axine shivepe.

LESHELE 106:36

Panongu no pano julhoqo qeuve, tipau no panoqo ghenguno alichhe lakhi shive.

IPEKULU 10:7

Tithiu Pharaoh qemi no pa vilo pi, “Ado khitohi timi hipau pelo ningu kitime apeni kea? Timiqo puwuvelo, tishianguno pano pelo Ampeu pano Lhou huthulu pelo. Egypt ye kütsavae pi no ye vethamla aphi keshea?”

IPEKULU 23:24

nongu ye pano lhouqo zülo pishiqho momu tipaqo qemoni, momu panongu no shiche ketoi shimoni, ikemu nongu ye qhoi panoqo haleveni eno pano tsükucho mukhumuno shi kuboveni.

IPEKULU 34:12

Jukuto lo, tikumo aye nongu no khilehi wuniye shi ani keno tipau yeghi lo küxümi sasü puloshoqhi shilu nosake, tishive aye tipau no nongu dolo kitime kepu lichhe shive nani.

ZAKINIU 12:30

panoqo kütsave kethiu nongu ye pano lhouqo vehu lo, ‘Ningu ghi mllani kehu shiye hipaqo ye kishi pano lhouqo mlla che kea?’ ipi ighiju anipi nongu meluve no ti pape wuve monike tsükhüi lo.

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.

2 Tim. 2:26

eno panoqo no kümsüchilelu püzü tüghami no pano mepe qhino pa gho-apulou shipe chekeu lichhe lono poluve nani.

JOSHUA 10:40

Ikehu Joshua no tipaqha kümtsü leluve; ato lo aphughiqo eno qhaike yeghi, naghuto pukhu qha eno akhila ngo tipaqha lo kükami kümtsü leluve. Pa no timi lakhimu qhimono, atuthu she akeqo thaqhü pithive; ti ye Ampeu Alhou no azah tsükeu kiqi lono ke.

JOSHUA 23:13

mtsüqheino hi ithilo, Ampeu nongu Lhou ye khilemu shiye hipaqo nongu zülono hapheve tsümo nani. Ikemu panongu ye alichhe momu aqo lakhi toi, amqa lo aqhe no heke toi momu anhethi lo asahu toi Ampeu nongu Lhou no tsükeu yeghi kivi lono kühave moke kutolo nongu ghenguno aküighüpu shive nani.

XAKUTHAMI 2:2

nongu ye hipa ghakhu lo küghüna akemi sasü khilemu puloshoqhi shi kevilo; eno nongu ye panongu kümlla khacheqo tuleqhi khave masae.’ Ikemu nongu no I tsa lumovae. Nongu ye kiu shive akea?

XAKUTHAMI 2:3

Tighenguno itehi I no piani, Ni ye nongu zülono panoqo hapupomo nani ikemu panongu no nongu sahu shipeni eno pano lhouqo no nongu lichhe shive peni.”

SAMUEL ATUGHIU 18:21

Saul no kümsü, “I no li pesü pa tsüveni, tishino li pelo pa lichhe shipe no Philistiami no heqhive peni.” Tighenguno, Saul no akiniu ghi David vilo pi, “Itehi no ye I makishiu shiniae.”