IPEKULU 23:31 - Sumi Naga CL (Re-edited) Bible (BSI)

³¹ Akuhu Züghi lono Philistiami Züghi kutolo eno asayeqha lono Euphrates kutolo, I no nongu ghuthu shitsü nani, kughengu I no aghakhu lo küxümi pesü o u lo süvetsü nani, eno nongu no panoqo hapheve nani.

BAIBEL (BSI)

³¹ Ino noyeghi lughi pelo Aqaba Zukichikha lono Eufrati Ghoki kutolo eno Azughi kije lono Asayeqha kutolo pekhowolu penani. Ino nongu pelo tipa yeghilo kughuna akemi shou akuka alupe nani eno nonguno azuu haighi keulo panoqo hapheluve nani.

IPEKULU 23:31 ပူးပေါင်းရင်းမြစ်များ

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

KUKAMI ATUGHIU 11:2

shiye hipaqo ghenguno Ampeu no Israelmi vilo ishi pi püake, “Nongu ye panongu sasü külakupu shimoni, panongu ghi nongu sasü küla moni, kughengu panongu no mtsüqheino nongu mlo züiza pano lhou lau wuve nani.” Solomon no hipaqo kimiyeuve.

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 4:21

Solomon no Euphrates lono Philistia eno Egypt lughi kutolo ayepe luve. Tipaqo no sükusho süqha pa tsüno pa küxü tivilo pa qeche.

KUKAMI ATUGHIU 4:24

Kughengu pa ye Euphrates kulola qha kümtsü Tiphsah lono Gaza kutolo, Euphrates kulolau kükami kümtsü pa no qhasüpe ache. Eno pa hokümxa kümtsü lo külakishi auve.

KUKAMI ATUGHIU 8:65

Hitoi Solomon no Israelmi kümtsü sasü atsala tsüni aghulhu shi, tile Lebo-hamath lono Egypt kutolo timi baghi no Ampeu zülo ighie.

YEKIKITHI AKINIU 9:26

Pa no Euphrates lono Philistiami yeghi eno Egypt lughi kutolo kükami kümtsü shou ayepe che.

LESHELE 72:8

Pa kükaqha ye azüghi lono azüghi kutolo apelo, eno Aghoki lono ayeghi shekha kutolo apelo!

AKIKIHI 21:34

Ikemu Ampeu no Moses vilo pi, “Pa msa kevilo kughengu I no pa ngo paw timi eno pa yeghi kümtsü o tsüvae eno nono Heshbon lo achekeu Amorimi kükau Sihon lau shike toi pa lau ghi shinani.”

AKIKIHI 34:2

“Israelmi lau ishi azah tsülo, Kughou nongu no Canaan lo iloni keno, (Canaan yeghi, nongu mheghi shiniye akeu ye alughi hitoi ani),

ZAKINIU 1:7

Aghazü xave no aghüzüla lo wuve lo, Amorimi ato yeghi eno Arabah lo pano sümxape akemi, ato eno aqa yeghi lo, Negeb eno azüghimkü lo, Canaanmi ngo Lebanon yeghi lo, eno aghoki akijeu, Euphrates ghoki kutolo wulo.

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 11:24

Nongu pukhu no khile nesüni keno nonguw shive nani. Nongu lughi ye asayeqha lono Lebanon kutolo qhawo nani, eno Euphrates ghoki lono kulola züghi kuto shi nani.

ZAKINIU 2:33

Ikemu Ampeu ni Lhou no pa pesü ningu u lo süvetsü eno ningu no pa eno pa nuli ngo timi kümtsü leluve.

ZAKINIU 2:36

Arnon Khila mtsü lo Aroer, eno akhila lo aphughi lono Gilead kutolo ni ghenguno akumto phughi lakhimu kühave. Ampeu ni Lhou no kümtsü ningu tsüve.

ZAKINIU 20:16

Ikemu Ampeu nongu Lhou no nongu tsü akeu mishighünaqo loye atuthu she aghike thaqhü lakhimu püxü moni,

ZAKINIU 3:2

Ikemu Ampeu no I vilo pi, ‘Pa msa kevilo kughengu I no pa eno paw timi ngo ayeghi kümtsü o tsüvae. Nono Amorimi Heshbon kükau Sihon lau shike toi, pa lau ghi shinani.’

ZAKINIU 6:19

Ampeu no piveke toi Pa no nongu zülono no ghümi hapheve tsü nani.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

JOSHUA 1:4

O ghuthu ghiphi ye apeu asayeqha lono ahuu Lebanon naghuto kuto eno kipelau Euphrates ghoki lono kulolau Hittimi yeghi kümtsü vechesü Azüghi Kije kutolo ke.

JOSHUA 10:19

ikemu nongu ye tile ngo kevilo. Aghümi hasü wuno pano thiu ghüshimi chekeqo lelo. Panongu pelo panow mishighüna lo ilope kevilo, kughengu Alhou no panongu shou tokulu pe nongu tsüvae.”

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

JOSHUA 13:6

Lebanon naghuto ghakhu lo akeqo lono Misrephoth-maim kutolo küxümi kümtsü eno Sidonmi kümtsü ishi. I no Israelmi nhethe lono hi kümtsü hapheveni. Ikehu I no azah o tsüke toi ayeghi kijepe Israelmi mheghi shive tsülo.

JOSHUA 2:24

Pama no Joshua vilo pi, “Kuchou no Ampeu no ayeghi kuchopu pesü ni tsüvae. Eno tile küami kümtsü no ningu msa auvae.”

JOSHUA 21:44

Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

JOSHUA 23:14

“Itehi ni ye ayeghi lo kümtsü no wuve chekeu laghi lo wunike kutovae, eno nongu kümtsü, nongu mlo eno angulho no ithi anike Ampeu nongu Lhou no nongu ghenguno akivi tsa piqhi keu lakhimu tomove moe. Thokha shikupuvae; lakhimu tomove moe.

JOSHUA 24:11

Tishino nongu no Jordan kathasü Jericho lo ighi, eno Jericho lo sakiphemi no nongu sasü aghüshi, tihutoi Amorimi, Perizimi, Canaanmi, Hittimi, Girgashimi, Hivimi eno Jebusimi ghi nongu sasü aghüshi. Ikemu I no panongu kümtsü nongu u lo süvetsü.

JOSHUA 24:12

I no nongu züuno akhighi puwu no Amorimi kükau kini nongu nhethe lono hapheve; ti ye azütakikihi momu shexilika no kumoe.

JOSHUA 24:18

Eno ni nhethe lono Ampeu no ayeghi hipa qhalo xüche kemi, Amorimi kümtsü hapheve tsü. Tighenguno ningu ye Ampeu qeni, kughengu Pa no ni Lhou ke.”

JOSHUA 24:8

Tithiuno I no nongu sasü Jordan kukuu Amorimi yeghi lo ighi. Panongu no nongu sasü aghüshi, ikemu I no nongu pelo panongu shou toluvepe. Nongu no pano yeghi luvetsü eno I no nongu nhethe lono panongu kütsave.

JOSHUA 8:18

Tishi akelono Ampeu no Joshua vilo pi, “O u lo angu pesü Ai küdau chhopuwo lo, kughengu I no aphughi pesü o tsüveni.” Eno Joshua no pa u lo angu pesü Ai küdau chhopuwo.

JOSHUA 8:7

Tishi kemtsa nongu no aküghütshü-a lono ipeghi no aphughi botha luvelo kughengu Ampeu nongu Lhou no nongu tsü nani.

JOSHUA 9:7

Ikemu Israelmi no Hivimi vilo pi, “Nongu ye ni phivilo xüküami shi aghi luvike ningu ye kishino nongu sasü visho shini kea?”

XAKUTHAMI 1:4

Tishino Judah no iqho eno Ampeu no Canaanmi ngo Perizimi panongu u lo süvetsü, eno panongu no Bezek lo timi 10,000 theqhive.

XAKUTHAMI 11:21

Israel Lhou, Ampeu no Sihon ngo paw timi kümtsü pesü Israelmi tsüve, eno Israelmi no Amorimi khunoqo tipau ghakhu lo ache keno tipaqo yeghi kümtsü luvetsü.

SAMUEL ATUGHIU 23:4

David no itaghi Ampeu ighiju. Ampeu no khochile, “Ithu no Keilah lo wulo, kughengu I no Philistiami o u lo süvetsü nani.”