IPEKULU 2:24 - Sumi Naga CL (Re-edited) Bible (BSI)

²⁴ Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

BAIBEL (BSI)

²⁴ eno panonguno atuthu shephe mlano ighache keu chiluve eno pano Abraham, Isak eno Jakob sasu puloshoqhi shikeu kumsu chilelu.

IPEKULU 2:24 ပူးပေါင်းရင်းမြစ်များ

BOTHUBO 15:13

Tileno Ampeu no Abram vilo pi, “Mtsüqheino ithilo, o tikughuko ye inaghami yeghi lo kupokichemi shiuve nani eno tilau aqemi shive nani, eno ampe 400 kutolo panongu kijipüsa ghimeqhi nani.

BOTHUBO 16:11

Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 22:16

eno pi, “I no I je kuno ashoqhi shivae, ipi Ampeu no asheshu, kughengu nono o nu lakhi likhi akeu süchile mono hi shive akehu,

BOTHUBO 26:2

Ampeu no pa lau ipeghi no pi, “Egypt yeghi lo iqi kevilo; I no ayeghi khikhi o piyeni keno tile küghüna lo.

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 35:12

I no Abraham ngo Isaac tsükeu yeghi o tsü nani, eno o shelo o tikughukomi lau I no ayeghi tsü nani.”

BOTHUBO 8:1

Ikemu Alhou no Noah, tüghashi tikishi eno lhoxü jeli ashuka lo pa gholo akemi kümtsü kümsülue. Eno Alhou no ayeghi shou amülhü mülhü ighipe, eno azü iqü ilovepe.

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

LESHELE 102:2

I ghime kitikhi tsala lo I launo O gi küsüve kevilo! O kini I lau kughopuwo tsülo I no O kuke tsala lo mtazü I khochile tsülo!

LESHELE 102:20

akughu shi akemi mloküqa chilu tsüniye, pithive niye küghathave kemi kuqhophe tsüniye,

LESHELE 105:42

Kughengu Pa no Abraham, Pa qeu, eno Pa kimthe shoqhi kümsülu ke.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 138:3

I no O kuke tsala lo Nono I khochile; Nono I ngulho lo aküka mtotoilu peke.

LESHELE 22:24

Kughengu Pa ye aghime lo akemi ghime jukünatha momu jupe aphimqhüve chemoe, pa lau no Pa gi küsüve chemoe, ikemu pa no ighamku khu kelo chilu tsüe.

LESHELE 22:5

Panongu no O lau igha ighi eno Nono panongu xaphe; panongu no O pükhü, eno Nono panongu pelo kujove pemoe.

LESHELE 79:11

Akughumi ghimeküqa O zülo ighi pelo; O küka kije lono pithive niye akemi khaqhi phevelo.

IPEKULU 6:5

Tinguno alau, I no Iw timi Israelmi, khunoqo Egyptmi no aqüaxe shi tsüghape ani keno, panoqo mloghuju chiluvae, eno I no Iw puloshoqhi kümsüchile luvae.

AKIKIHI 20:16

Tileno ningu no Ampeu lau ighamku eno Pa no ningu küqa chilutsü püzü kungumi puwu no Egypt lono ningu saipeghi. Eno itehi ningu ye o ghakhu lughi Kadesh lo ani.

Apostolmi 7:34

Iw timi Egypt lo akeqo ghime I no mtsüqheino ithuluvae, eno panongu no igha kukuno akeu chiluvae. Ni ye panongu xaphe nike iqighivae. Itehi ighilo, I no Egypt lo o puwuni.’

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”