IPEKULU 19:4 - Sumi Naga CL (Re-edited) Bible (BSI)

⁴ ‘I no Egyptmi lau kiu shi, eno kishi alhuqu chishibo lono nongu xapu eno nongu sasü I lau ighi keno nongu no ithuluvae.

BAIBEL (BSI)

⁴ “Ni, AMPEU no Ijipmi shou kiu shive keno nonguno ithuluvae. eno aluquno kishi achishibo lono ati xapukeno tishi ino nongu xapuke eno nongu sasu hile ighi anike,

IPEKULU 19:4 ပူးပေါင်းရင်းမြစ်များ

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

ZAKINIU 1:30

Nongu züu cheche keu Ampeu nongu Lhou ampi no Egypt lo nongu nhethe lono shike toi nongu ghenguno aghü shitsü nani.

ZAKINIU 1:31

Apu lakhi no pa nu khape cheke toi, Pa no kishi asayeqha lono nongu xapusü hipa-a kutolo ighi keno nongu no ithuluve ake.’

ZAKINIU 29:1

Horeb lono Ampeu no Israelmi sasü puloshoqhi shikeu gholo itaghi Moab yeghi lono Ampeu no Moses azah tsüno panoqo sasü puloshoqhi shikithe.

ZAKINIU 29:2

Moses no Israelmi kümtsü kukütsü no pi, “Ampeu no nongu zülono Egypt lo Pharaoh ngo pa qemi eno pa ghakhu shou kiu shikeno ithuluvae.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

JOSHUA 23:3

Nongu Lhou Ampeu no nongu ghenguno shiye hi kümtsü lau kiu shi keno nongu no ithuluvae, kughengu Ampeu nongu Lhou no nongu züqhushi aghüshi tsüke.

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.