IPEKULU 17:4 - Sumi Naga CL (Re-edited) Bible (BSI)

⁴ Ikehu Moses no Ampeu lau ighamku, “Timi hipaqo lau ni ye kiu shive tsüni kea? Panongu ye atu pesü I veqhiveni ye kuto anie.”

BAIBEL (BSI)

⁴ Muse no amlo tsuqhiyi AMPEU lau inikhu eno pi. “Niye timi hipaqo pesu kiu shivelo pi kya?. Panonguye atu pesu iveqhiniye kuto auvae.”

IPEKULU 17:4 ပူးပေါင်းရင်းမြစ်များ

LESHELE 99:6

Moses ngo Aaron ye Pa chinemi ke, Samuel ghi Pa je ku inikhu chekemi dolo lakhi ke. Panongu no Ampeu je ku, eno Pa no panoqo khochile.

IPEKULU 14:15

Ampeu no Moses vilo pi, “Nongu ye kushiye I lau ighamku ani kea? Israelmi vilo azüu wulo pilo.

IPEKULU 15:25

Moses no Ampeu lau ighamku, eno Ampeu no asüta lakhi pa piye, pa no tipau azü lo vesüve, eno azü ye yelu kepu shive. Tile Ampeu no panoqo ghenguno ayezah lakhi mlatsü, eno tileno panoqo peju

AKIKIHI 11:11

Pa no Ampeu vilo pi, “No ye kushiye O qeu peitha püsa ani kea? Ni ye O mlokiqipu shimlave kesheno kushiye No ye timi hipaqo makho pesü I xapipe ani kea?

AKIKIHI 14:10

Ikelaye aqoaho kümtsü no atu pesü panoqo veqhi niye shiuve, ikemu Ampeu juküvü no Aphiki lo timi kümtsü zülo ipeghive.

AKIKIHI 16:19

Eno Korah no ahohomi kümtsü hekütsü pesü aphiki kulaghi lo Moses ngo Aaron pama lau jupuwo ghi puthugho luve. Ikelo Ampeu juküvü no ahohomi kümtsü lau ipeghi.

John 10:31

Jewmi no itaghi atu ikhipe pa veqhi niye shie.

John 8:59

Ikelo panongu no pa veniye atu ikhilu, ikemu Jisü no itshüve no achineki lono ipeve.

Apostolmi 14:19

Ikemu Antioch ngo Iconium lono Jewmi ighi, eno aqokitikhi xukutho pe atu pesü Paul veqhive no thiva küghashi aphughi khalau sünhe pheve.

Apostolmi 7:50

I u no hi kümtsü mlake kumo?’

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.