IPEKULU 14:27 - Sumi Naga CL (Re-edited) Bible (BSI)

²⁷ Ikehu Moses no azüghi shou pa u chhopuwu, eno kughou inaqhe shive keno azüghi no ideilo azüu tholo ngove. Egyptmi no tipau lo posü ilove kelo, Ampeu no Egyptmi azüghi mta lo vesüve.

BAIBEL (BSI)

²⁷ Ikehu Muse no azughi shou pau chhopuwo kelo azuye qoidewo puzuu tholo kumtsaluve. Ijipmiqono azu lono poveniye pukaputsa ke, ikemu AMPEU no azughipelo panoqo vesuve.

IPEKULU 14:27 ပူးပေါင်းရင်းမြစ်များ

NEHEMIA 9:11

Nono panongu zülono Azüghi kijeve tsü, eno ayeghi qhaikeu lo nepuku ghi Azüghi mta lono Nono panoqo sawue. Eno atu pesü azü kutho lo vesü ketoi, panongu haighi keqo ye Azü kutho lo vesüve.

LESHELE 106:11

Eno azü no pano ghümi pütsüqhive; panoqo dolo lakhimu ghülu moe.

LESHELE 136:15

ikemu Pharaoh eno paw aqokitikhi ye Akuhu Züghi lo vesüve, kughengu Paw iqemokeu kikimiye ye alholo acheni;

LESHELE 78:53

Pa no kutokupui panoqo sawu kehu panongu ye msave moe, ikemu azüghi no pano ghümi pütsüqhive.

ISAIAH 10:26

Oreb tuqu qhalo aqokitikhi MPEU no Midianmi ghaqhi kelo toi, Pa no akighikipili pesü panoqo küzaqhi nani. Eno Egypt lo Pa no aqheküsü peqhe keshi, Pa qheküsü huno azüghi shou anani.

ZAKINIU 11:4

Pa no Egypt ghüshimi ngo panow khurshi eno khurkuluqo shou kiu shi, kishi panoqo no nongu hasü ighi kelo, Akuhu Züghi no pano mhoqhive eno ishi kutolo Ampeu no kishi panongu kütsave keno,

IBRIMI 11:29

Aküpülü lono Israelmi no ayeghi lo chekeshi Akuhu Züghi katha, ikemu Egyptmi no titoi shiniye kelo azü no pano pütsü qhive.

JOSHUA 24:7

Ikemu kughou panongu no Ampeu lau ighamku keno, Pa no Egyptmi ngo nongu dolo aküzü süvetsü eno azüghi no Egyptmi shou ikuvepe eno panongu küzüluve peke; eno nongu nhethi no I no Egypt lo kiu shi keno ithulue. Nongu ye asayeqha lo ado kushuo xüche.

JOSHUA 4:18

Kughou Puloshoqhi Bohu kipemi achinemi no Jordan mta lono ipeghi no panongu pukhu no amkü tove keno, aghoki no thosülo toi qowuve, eno ghulo kütau toi amkü kuchopu qochilive.